Fabreqas: “Getmək istəsəydim, bunu açıq şəkildə deyərdim”

İspaniya millisinin və “Barselona”nın yarımmüdafiəçisi Fransesk Fabreqas “Mançester Yunayted”ə keçəcəyi haqda yayılan xəbərləri şərh edib. Futbolxeber.az-ın məlumatına görə, Fabreqas Kataloniya klubunu tərk etməyəcəyini bildirib: “Əgər, mən getmək istəsəydim, bunu açıq şəkildə bəyan edərdim. Buradakı həyatım arzu kimidir. “Barselona” mənim evimdir və mən buranı tərk etmək istəmirəm. Bilirəm, burada elə insanlar var ki, mənim oyunum onları qane etmir. Lakin bu, onların problemidir. Onu da etiraf edirəm ki, bəzi oyunlarda zəif çıxış etdim. Xüsusən də “Bavariya” ilə matçlarda. Gələcəkdə öz üzərimdə daha çox çalışacağam”.