“Yuventus” - “Milan”: Lixtştayner və Mandjukiç meydana çıxacaq

Şənbə günü “A” seriyasının 13-cü turunda “Milan”ı qəbul edəcək “Yuventus” qarşıdakı matçda 2 aparıcı futbolçusu – Şetafn Lixtştayner və Mario Mandjukiçin xidmətindən yararlana biləcək. Hər iki futbolçu artıq zədəsini bərpa edib və dünən komanda ilə birgə məşq edib. Canluici Buffonun “Milan”la görüşdə oynayıb-oynamayacağı hələ sual altındadır. Baxmayaraq ki, təcrübəli qolkiper özünü yaxşı hiss etdiyini və şənbə günü meydana çıxmaq şansının yüksəl olduğunu bildirib. Əvəzində Argenita millisinin düşərgəsindən yorğun qayıdan Paulo Dibalanın matçı kənardan izləmək ehtimalı var.

Xatırladaq ki, şənbə günü keçiriləcək “Yuventus” - “Milan” matçı Bakı vaxtı ilə 23:45-də start götürəcək.