Final öncəsi "Borussiya"ya şad xəbər

Dortmund "Borussiya"sının baş məşqçisi Yurgen Klopp komandasının aparıcı üzvü Mario Götsenin zədəsindən söz açıb. Futbolxeber.az-ın məlumatına görə, Klopp Götsenin Çempionlar Liqasının finalına qədər bərpa olacağını bildirib: "İndiki duruma əsasən qiymətləndirsək, Götse ÇL-in finalında meydana çıxa biləcək. Onun bərpası gözlədiyimiz kimi keçir. Amma final günü yaxınlaşdıqca, biz onun yükləmələrini daha da artıracağıq. Planımız ondan ibarətdir ki, Mario artıq gələn həftənin əvvəlində komanda ilə birgə məşqlərdə iştirak etsin".

Xatırladaq ki, Götse 1/2 final mərhələsində "Real"a qarşı keçirilən oyunun əvvəlində xəsarət alaraq, meydanı erkən tərk etmişdi.