AS: “Real” bu mövsüm mükafat qazanmasa, Ançelotti komandadan ayrılacaq

Cari mövsümün sonunda Karlo Ançelotti “Real”ı tərk edə bilər. Futbolxeber.az-ın məlumatına görə, bu haqda İspaniyanın “AS” nəşri xəbər yayıb. Məlumatda qeyd olunur ki, cari mövsümün sonunda “Kral klubu” heç bir kuboku qazana bilməsə, italiyalı mütəxəssis Madridi tərk edəcək.

Qeyd edək ki, Ançelottinin “Real”la hazırkı müqaviləsi 2016-cı ilə kimi nəzərdə tutulub.

Əıavə edək ki, La Liqada lider “Barselona”dan 2 xal geri qalan “Real”, bu gün Çempionlar Liqasının 1/4 final mərhələsinin cavab oyunu çərçivəsində “Atletiko” ilə üz-üzə gələcək. Komandalar arasındakı ilk oyunda hesab açılmayıb.