“Qvardiola gecə saat 3-də də zəng vurub, taktikadan danışa bilər”

“Bavariya”nın yarımmüdafiəçisi Aryen Robben komandanın baş məşqçisi Xosep Qvardiola haqda danışıb. Futbolxeber.az-ın məlumatına görə, holland futbolçu Qvardiolanın futbolla nəfəs aldığını bildirib: “Qvardiola yalnız futbol barədə düşünür, futbolla yaşayır. O, gecə saat 3-də də zəng vurub, taktika barədə danışa bilər. Pepin gəlişi ilə “Bavariya” daha da gücləndi. İndi bir neçə oyun tərzimiz var. 1 oyun ərzində baş məşqçinin tapşırığına əsasən 1-dən çox taktiki gedişdən yararlana bilərik. O elə edib ki, indi rəqiblər heç cür “Bavariya”nın oyununu “oxuya” bilmirlər”.