“Aspilikueta Premyer Liqadakı ən yaxşı müdafiəçdir”

Keçmiş futbolçu, hazırda “Sky Sports” kanalında ekspert kimi çalışan Qari Nevill “Çelsi”nin futbolçusu Sezar Aspilikueta haqda müsbət fikirlər səsləndirib. Futbolxeber.az-ın məlumatına görə, veteran futbolçu ispan müdafiəçini Premyer Liqanın ən yaxşı arxa xətt oyunçusu adlandırıb: “Stabil çıxışına görə ən yaxşı adına “Çelsi”nin müdafiəçilərin biri layiqdir. Mən bu baxımdan Sezar Aspilikuetanın adını çəkərdim. Fikrimcə, o, Premyer Liqada çıxış edən ən yaxşı müdafiəçidir. İndiyə kimi Sezarın səhv etdiyini görməmişəm. O, düzgün mövqe seçir. Həmçinin zonasını heç vaxt boş buraxmır. Qari Keyhill, Con Terri və Branislav İvanoviç də ondan çox geri qalmırlar. Bununla belə, Aspilikuetanın oyununa baxanda ideal futbolçu olduğu görünür. Ümumiyyətlə, “Çelsi”nin arxa xətti göz oxşayır”.