Arriqo Sakki: “Yuventus” “Atletiko”dan güclüdür”

İtaliya millisinin keçmiş baş məşqçisi Arriqo Sakki Çempionlar Liqasının qrup mərhələsinin ikinci turu çərçivəsində keçiriləcək “Atletiko” - “Yuventus” matçı haqda danışıb. Futbolxeber.az-ın məlumatına görə, 68 yaşlı mütəxəssis Turin klubunun daha güclü olduğunu bildirib: “Fərdi planda “Yuventus” “Atletiko”dan güclüdür. Dieqo Simeonenin komandası yayda Dieqo Kosta, Tibo Kurtua, Filipe Luis kimi aparıcı futbolçularını itirdi. “Yuventus” isə əksinə liderlərini saxlamaqla yanaşı, həm də heyətini Roberto Pereyra ilə gücləndirdi. onu da deyim ki, “Atletiko” taktiki cəhətdən güclüdür. Lakin Simeonenin bir qədər vaxta ehtiyacı var”. 

Qeyd edək ki, "Atletiko" Sakkinin karyerası ərzində çalışdırdığı yeganə cənəbi klubdur.