Daha bir ulduz Hindistan yolunda

Adrian Mutu “Petrolul” klubu ilə vidalaşıb. Futbolxeber.az-ın məlumatına görə, təcrübəli futbolçu ilə müqavilə qarşılıqlı razılıq əsasında pozulub. Son 8 ayda “Petrolul”un şərəfini qoruyan rumın forvard, burada meydana çıxdığı 14 oyunda 4 qol vurub. 35 yaşlı futbolçunun klubsuz günləri çox sürməyəcək. Çünki o, artıq Hindistanın “Pune” klubu ilə danışıqlara başlayıb.

Qeyd edək ki, karyerası ərzində Mutu “İnter”, “Çelsi”, “Yuventus”, “Fiorentina” kimi klubların şərəfini qoruyub. 

Əlavə edək ki, Mutuya kimi Del Pyero, Trezege, Materatsi, Pires, Kapdevilya və digər tanınmış simalar Hindistan çempionatına üz tutublar.