Maurinyo əsas qapıçıyla bağlı qərarını verdi

Joze Maurinyo “Çelsi”nin əsas qapıçısının kim olacağı barədə qərarını verib. Futbolxeber.az-ın “Goal.com”a istinadən verdiyi məlumata görə, portuqaliyalı mütəxəssis yeni mövsümdən etibarən daha əvvəl olduğu kimi Petr Çexə yox, icarədən geri dönən Tibo Kurtuaya üstüblük verib. Maurinyo bildirib ki, Premyer Liqanın ilk turu çərçivəsində “Bernli”yə qarşı baş tutacaq matçda London klubunun qapısını Kurtua qoruyacaq. Maurinyonun qərarını öyrənən “Çelsi” rəhbərliyi də artıq Çexi satmaq barədə düşünür. Londonlular çex qolkiperin satışından 12 milyon avro gəlir götürməyi düşünürlər.

Qeyd edək ki, Çex özü bu günlərdə verdiyi açıqlamada rəqabətdən qorxmadığını və Kurtua ilə mübarizə aparmağa hazır olduğunu bəyan edib.