“Arsenal”ın futbolçusu Almaniya millisindən getdi

“Arsenal”ın üzvü Per Mertzaker Almaniya millisindəki çıxışını başa vurub. Futbolxeber.az-ın məlumatına görə, bu haqda təcrübəli müdafiəçinin özü açıqlama verib: “10 ildir davam edən tarixi bitirmək qərarına gəldim. DÇ-2014-dəki qələbə mənim Almaniya millisindəki karyeram üçün qızıl sonluqdur. İndi “Arsenal”la birgə Premyer Liqanı, mümkün olsa Çempionlar Liqasını qazanmaq istəyirəm”.

29 yaşlı müdafiəçi Almaniya millisində 104 oyuna çıxıb və 4 qol vurub.

Qeyd edək ki, DÇ-2014-dən sonra Mertzakerə qədər Filipp Lam və Miroslav Kloze də millidəki karyeralarını başa vurduqlarını bəyan ediblər.