Dzeko: “Nigeriya ilə oyunun hakimi də bizlə birgə evə getməlidi”

Bosniya və Hersoqovina millisinin hücumçusu Edin Dzeko Nigeriyaya uduzduqları (0:1) oyun haqda danışıb. Futbolxeber.az-ın məlumatına görə, təcrübəli forvard görüşün hakimini tənqid edib: “Biz bu oyunu udmalıydıq. Amma hakimlərin idarəçiliyi biabırçılıq idi. Bu, turnir üçün böyük ləkədi. Evə yollanırıq və buna görə də çox məyusuq. Bu hakim də bizlə birgə evə yollanmalıdı. O kobud səhvə, özü də oyunun nəticəsinə təsir edən xətaya yol verdi. Biz də bu səbəbdən uduzduq. Bərabərlik qolunu vurmaq üçün çox çalışdıq. Təəssüf ki, alınmadı. Sona kimi mübarizə aparsaq da, bəxtimiz gətirmədi”.

Qeyd edək ki, Nigeriya - Bosniya və Hersoqovina matçının ilk yarısında Edin Dzeko hesabı açsa da, hakim “təmiz” qolu qeydə almadı.