Ronaldo və Suarez “Qızıl buts”a sahib çıxdılar

Avropa ölkələrinin çempionatlarında ən çox qol vuran futbolçuya təqdim olunan “Qızıl buts”un sahibi müəyyənləşib. Futbolxeber.az-ın məlumatına görə, mükafata iki futbolçu sahib çıxıb. Söhbət Kriştianu Ronaldo və Luis Suarezdən gedir. Hər 2 futbolçu hərəyə 31 qol vuraraq, 62 xal toplayıblar.

Ronaldo artıq üçüncü dəfədir ki bu mükafat sahib çıxıb. Bununla da portuqaliyalı futbolçu Messiyə çatıb. Hazırda hamıdan çox “Qızıl buts”u məhz bu iki futbolçu qazanıb.  

2 futbolçunun eyni anda mükafata sahib çıxması üçüncü dəfə baş verir. Buna qədər 1989/90 mövsümündə “Qızıl buts” Uqo Sançes (“Real”) və Xristo Stoiçkova (ÇSKA, Sofiya), 2004/05 mövsümündə isə Tyerri Anri (“Arsenal”) və Dieqo Forlana (“Vilyareal”) qismət olub.

Geridə qalan mövsümdə Avropanın 10 ən yaxşı bombardirinin siyahısı aşağıdakı kimidir:

1-2.  Kriştianu Ronaldo (“Real”)                   31 qol (62 xal)

        Luis Suarez (“Liverpul”)

3.     Lionel Messi (“Barselona”)                  28 qol (56 xal)

4.     Dieqo Kosta (“Atletiko”)                      27 qol (54 xal)

5.     Xonatan Soriano (“Zalsburq”)              31 qol (46,5 xal)

6.     Çiro İmmobile (“Torino”)                     22 qol (44 xal)

7.     Alfred Finnboqason (“Herenven”)                29 qol (43,5 xal)

8.     Deniel Starric (“Liverpul”)                   21 qol (42 xal)

9-12.Luka Toni (“Verona”)                          20 qol (40 xal)

        Cekson Martines (“Portu”)                    20 qol (40 xal)

Yaya Ture (“Mançester Siti”)               20 qol (40 xal)

Robert Levandovski (“Borussiya” D)   20 qol (40 xal)