Uruqvay millisinin DÇ-2014 üçün ilkin heyəti açıqlandı

Uruqvay milli komandasının baş məşqçisi Oskar Tabares dünya çempionatı üçün ilkin heyəti açıqlayıb. Futbolxeber.az-ın məlumatına görə, Tabaresin siyahısında 25 futbolçu yer alıb. Həmin oyunçulardan ikisi yekun heyətdən kənarda qalacaq.

Qapıçılar: Fernando Muslera (“Qalatasaray”), Martin Silva (“Vasko de Qama”), Rodriqo Munyos (“Libertad”).

Müdafiəçilər: Dieqo Luqano (“Vest Bromviç”), Dieqo Qodin, Xose Mariya Ximenes (hər ikisi “Atletiko”), Martin Kaseres (“Yuventus”), Maksi Pereyra (“Benfika”), Fusile (“Portu”), Sebastyan Koates (“Nasional”).

Yarımmüdafiəçilər: Exidio Arevalo Rios (“Moreliya”), Valter Qarqano (“Parma”), Dieqo Peres (“Balonya”), Sebastyan Equren (“Palmeyras”), Alvaro Qonsales (“Latsio”), Alexandro Silva (“Lanus”), Alvaro Pereyra (“San Paulo”), Kristian Rodriges (“Atletiko”), Qaston Ramires (“Sautgempton”), Nikolas Lodeyro (“Botafoqo”).

Hücumçular: Luis Suares (“Liverpul”), Edinson Kavani (PSJ), Dieqo Forlan (“Sereso Osaka”), Kristian Stuani (“Espanyol”), Abel Ernandes (“Palermo”).

Xatırladaq ki, Uruqvay DÇ-2014-də İtaliya, İngiltərə və Kosta-Rika ilə bir qrupda yer alıb.