Ronaldo “Selta”ya qarşı oynamayacaq

Kriştianu Ronaldo sabah La Liqanın 37-ci turu çərçivəsində “Selta”ya qarşı keçiriləcək matçda meydana çıxmayacaq. Futbolxeber.az-ın məlumatına görə, bu haqda “Kral klubu”nun baş məşqçisi Karlo Ançelotti məlumat verib: “Sabah Ronaldo meydana çıxmayacaq. Çünki o, hələ oynamaq üçün 100 faiz hazır deyil. Ronaldonun sağlamlığıyla risq etmək istəmirəm. Eləcə də Pepe, Varan, Karvahal və Di Mariya da “Selta”ya qarşı oynamayacaqlar. Mən komandamızın həkimi ilə söhbət etdim və ümumi olaraq bu qərarı qəbul etdik. Kriştianu Ronaldosuz xeyli oyun keçirmişik”.