“Bordo” Zidana 2 illik müqavilə təklif edir

“Bordo” Zinəddin Zidanın xidmətində maraqlıdır. Futbolxeber.az-ın Fransa mətbuatına istinadən verdiyi məlumata görə, klubun prezidenti Jan-Lui Tiro cümə axşamı Madridə yollanaraq ötənlərin məşhur futbolçusuna 2 illik müqavilə təklif edib. Zidan hələlik təklifə cavab verməyib. Hazırda “Real”ın məşqçisi olan Zizunun bu təklifi mayın 24-də baş tutacaq Çempionlar Liqasının final matçından sonra cavablandıracağı gözlənilir.