“Real” - “Barselona”: “qara bazar”da biletlərin qiyməti 900 avrodu

La Liqanın 29-cu turu çərçivəsində keçiriləcək “Real” - “Barselona” matçında anşlaq yaşanacaq. Futbolxeber.az-ın İspaniya mətbuatına istinadən verdiyi məlumata görə, oyun üçün satışa çıxarılan biletlərin hamısı satılıb. Matça bilet əldə edə bilməyənlər yalnız “qara bazar”da istəklərinə çata bilərlər.

Satışa çıxarılan biletlərin qiyməti sektorlardan asılı olaraq 70-340 avro arasında dəyişirdi. “Qara bazar”da isə hazırda ən ucuz bilet 300, ən bahalısı isə 900 avrodur.

Xatırladaq ki, bazar günü baş tutacaq “El Klassiko”ya ev sahibliyi edəcək “Santyaqo Bernabeu”nun tutumu 83 mindir.