Basketbol
Qalmaqalın iştirakçısı danışdı: “Bu jesti ona yaraşdırmadım”
Futbolxeber.az saytı qalib olduğu AFFA yanında Media Komitəsinin “Futzal” layihəsi çərçivəsində yazılarını davam etdirir. Layihə çərçivəsində bu dəfə ölkə çempionatının VII turunun açılış oyunu - dünən keçirilən "Marafon Futsal" və "Neftçi" İK görüşündə yaşanan qalmaqala toxunacağıq.
GÖZLƏNİLƏN QALMAQAL
Yüksək Liqanın VII turun açılış matçında "Marafon Futsal" və "Neftçi" İK üz-üzə gəlib. Gərgin idman mübarizəsi şəraitində keçən matç ərzində “Neftçi”nin iranlı legioneri Sadiq Cavid ilə “Marafon”dan Seymur Məmmədov arasında tez-tez mübahisə yaranırdı. Məmmədov hətta ehtiyat oyunçular skamyasında oturarkən belə rəqibinin hərəkətlərinə reaksiya verirdi. Yaşananlar sonluğun yaxşı olmayacağına işarə idi. Hər şey qalmaqala, dava-dalaşa doğru gedirdi. Nəhayət ki, matçın sonunda insident daha da böyüdü. Belə ki, Sadiq Cavid komandası üçüncü qolu vurduqdan sonra “Marafon”ın ehtiyat oyunçular skamyasına tərəf üz tutdu. İranlı oyunçu rəqib komandanın üzvlərinə qarşı qeyri-etik jest etdi. Nəticədə hakim iranlı oyunçuya qırmızı vərəqə göstərdi. Lakin insident bununla da bitmədi. Hakimin final fitindən sonra “Marafon”un üzvləri “Neftçi”nin 12 nömrəsi ilə haqq-hesab çürütməyə çalışdılar. Eyni jesti bu dəfə iranlının özünə qarşı edən “Marafon”çular rəqibin üstünə getdilər. Uzun sürən gərginlikdən sonra tərəfləri sakitləşdirmək mümkün oldu. Yekun nəticə isə “Neftçi” İK-nin 3:1 hesablı qələbəsini göstərirdi.
“OYUNUM ALINMADIĞI ÜÇÜN AQRESSİV İDİM”
İlk öncə qalmaqalın iştirakçısı Seymur Məmmədovla söhbətləşdik. “Marafon”un 10 nömrəsi meydanda aqressiv olduğunu danmadı: “Bəli, aqressiv idim. Amma bu, oyunumun alınmamasından irəli gəlirdi. Daim oyun alınmayanda istər-istəməz aqressiv olursan. Həmişə belə olur. Amma o ki oyun yaxşı gedir, hər hansı aqressivliyə ehtiyac qalmır”.
İnsidentə baxmayaraq, S. Məmmədov baş verənlərin elə meydanda qaldığını bildirdi: “Heç kim istəməz ki hansısa qalmaqal yaşansın. Amma oyunda olan şeydi. Yəqin ki, əsəbdən irəli gəlir. Uduzmaq daim üzücüdür. Amma rəqib də özünü meydanda düz aparmırdı. O jesti iranlıya yaraşdırmadım. Adam udar da, uduzar da. Lakin belə hərəkət düzgün deyil. Bununla belə, artıq hər şey keçmişdə qalıb. Meydanda yaşandı, bitdi”.
Seymur Məmmədov insidentin başlamasına görə, Sadiq Cavidi ittiham etsə də, onun komanda yoldaşları da iranlıya matçdan sonra eyni jestlə cavab verdilər. “Marafon” 10 nömrəsi komanda yoldaşlarının da hərəkətini düzgün saymır: “Bizimkilər də düz eləmədi. Onlara haqq qazandırmıram. Futbolçunun jesti qol vurub, ürəkdən sevinməkdi. Gərək biz vaxtında lazım olan qolları vurardıq, qoy, onlar hirslənərdi”.
“BU, MÖVSÜMDƏ ƏN ZƏİF OYUNUMUZ OLDU”
Seymur Məmmədov “Neftçi”yə məğlubiyyətin səbəbləri haqda bunları dedi: “İkinci hissədə gücümüz çatmadı. Yaxaladığımız qol imkanlarından yararlana bilmədik. Halbuki vursaydıq, nəticə başqa cür olardı. Qolları da heç nədən buraxdıq. Meydanda başabaş mübarizə gedirdi. Nə rəqib bizdən üstün idi, nə də biz onlardan. Biz topla daha çox oynayırdıq. Meydanda ora-bura qaçırdıq, rəqib isə qol vururdu. Hesabda irəli çıxa bilsəydik, topu özümüzdə saxlayıb daha rahat oynayardıq. Amma hesabda geri düşdüyümüz üçün məcburən biz irəli gedirdik”.
“Marafon”un üzvü cari mövsümün əvvəlki illərlə müqayisədə daha çətin keçdiyini bildirib: “Çempionatın gedişatı çox güclüdü. Biz mövsümə yaxşı başladıq. Çalışırdıq maksimum nəticə verək. Daha əvvəl “Araz”a uduzduq. Yenilgiyə baxmayaraq, güclü rəqibə qarşı pis oynamadıq. Amma “Neftçi”yə qarşı eyni oyunu göstərə bilmədik. Halbuki digər rəqiblərə qarşı daha yaxşı təsir bağışlamışdıq. Bu, mövsümdə ən zəif oyunumuz idi. Kim güclü idisə, o da uddu. “Neftçi”ni təbrik edirəm”.
Seymur Məmmədov komandasının cari mövsümdəki hədəfi ilə bağlı sualımız isə belə cavablandırıb: “Məqsəd hələ ki vuruşmaqdı. Rəhbərlik də deyib yaxşı olacaq. Gözləyirik”.
Bu mövsüm bir çox komandanın heyətində iranlı legionerlərin olması diqqət çəkir. Güclü legionerin gəlməsinin hər birimiz tərəfdarıyıq. Amma elə əcnəbilər var ki, onların oyununu izləyənlərkən yerlilərdən seçilmədikləri görünür. Bu o deməkdir ki, Azərbaycan futzalın oyunçu çatışmazlığı mövcuddur. Oyunçu qıtlığı ilə bağlı sualımızı isə S. Məmmədov belə cavablandırıb: “Bu barədə dəqiq nəsə deyə bilmərəm. Oyunçunu məşqçilər yetişdirməlidilır. Biz bu məsələ barədə düşünməli deyilik. Məktəblərin olmaması ilə bağlı nə deyə bilərəm ki? İnşallah, yaranacaq”.
“MEYDANÇADA QARDAŞIMA DA GÜZƏŞTƏ GETMİRƏM”
Qalmaqalın əsas iştirakçılarından olan “Marafon”dan Seymur Məmmədovla söhbətləşsək də, “Neftçi”li Sadiq Cavidlə tərcüməçi olmadığından danışmağımız alınmadı. Əvəzində “Neftçi”nin kapitanı Rüfət Balakişiyev suallarımızı cavablandırdı. Elə təcrübəli oyunçu da meydanda ən aqressivlərdən biri idi. İlk sualımız da məhz bununla bağlı oldu: “Bununla bağlı mənə çox sual verirlər. Meydançada olanda 40 dəqiqəni qardaşım da olsa, güzəştə getmirəm. Oyuna çox bağlanıram deyə özümü cilovlaya bilmirəm. Uşaqlardan böyüyəm, kapitanam. Bəzən komanda yoldaşlarımın üstünə də qışqırıram. Vaxtı ilə böyüklər də üstümüzə qışqırıblar, sakit durmuşuq, cavab verməmişik. Bildiklərimizdən gənclərə öyrədirik, çalışırıq dəstək olaq ki oynasınlar. Bizə də bu cür dəstək olublar. Necə görmüşürüksə, elə də davam etdiririk”.
Matç ərzində baş verən insidentlə bağlı isə R. Balakişiyev bunları söyləyib: “Deyilənə görə, qol epizodundan sonra iranlı komanda yoldaşım əl hərəkəti edib. Amma həm görməmişəm. Çünki həmin anda sevinib, qolu qeyd edirdik. Sadiq hərəkətinə görə qırmızı vərəqə aldı. Rəqib oyunçular da eyni hərəkəti bizə ediblər. Sadiq Cavidlə matçdan sonra danışdım. O bildirdi ki, hər hansı qeyri-etik jest etməyib. Sadəcə sevinib. Uduzan komanda həmişə nəsə axtarır”.
“NEÇƏ İLLƏRDİ FUTZALDAYAM, BU, GÖRDÜYÜM ƏN MARAQLI ÇEMPİONATDI”
“Neftçi”nin kapitanı 3:1 hesablı qələbəni də şərh edib: “Birinci hissədə oyunumuz düzgün getmirdi. Anlaşılmazlıq vardı. Amma fasilədə taktika dəyişdi və oyunumuz daha düzgün getdi. Eləcə də yaxaladığımız şanslardan yararlandıq. Qapıçımız da gözəl oynadı”.
Təcrübəli oyunçu cari mövsümün çox maraqlı getdiyini qeyd edib: “Çox yaxşı çempionat gedir. Bütün komandalar bir-birindən xal alır. Neçə illərdi futzaldayam, bu, gördüyüm ən maraqlı çempionatdı. Hazırda biz dördüncü yerdə olsaq da, ikinci pillə ilə cəmi 2 xal fərqimiz var. Bütün oyunlara hazırlaşmaq lazımdır. Yaxşı komandalar formalaşıb”.
“OYUNÇU ÇATIŞMAZLIĞI MÖVCUDDUR”
“Neftçi”nin kapitanı əksər klubların heyətində legionerlərin yer almasının səbəbini belə izah edib: “Oyunçu çatışmazlığı var. Bütün komandalar istəyər ki, heyəti yerli oyunçulardan qurulsun. Bacarıqlı oyunçuların sayı çox olmadığı üçün məcburəm İran və digər ölkələrdən legionerlər gətirilir. Amma gələn əcnəbilərin də hamısı istedadlı olmur. Eləsi var ki, qablarında nəsə var, dərhal seçilir. Lakin elə oyunçular da gəlir ki, görürsən azərbaycanlılardan qat-qat zəifdi. Hər gələn legionerə güclü demək olmaz. Bizdə də iranlı legionerlər çıxış edir. Aramızda hər hansı narazıçılıq yoxdu. Düzdür, ilk turlarda anlaşılmazlıq var idi. Ancaq indi hər şey yaxşıdı. Ötən tur “Araz”dan xal aldıq, bu dəfə “Marafon”a qalib gəldik. “Neftçi” həmişə çempioluğa oynayıb. Biz çempionata iştirak üçün qatılmamışıq. İlk 3 yerdən biri bizim olmalıdı. Aydın məsələdir ki, “Araz” çempionatda hegemonluq edir. Biz də istəyərik ki, UEFA kubokunda çıxış edək. Amma “Araz”ı danmaq olmaz. Millinin bazasıdı, onların səviyyəsi daha yuxarıdı. Bütün bunlara baxmayaraq, biz də çempion olmaq üçün əlimizdən gələni edəcəyik. Qarşıda hələ 3 dövrə var”.
"Layihə AFFA Yanında Media Komitəsi tərəfindən maliyyələşdirilir"
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- AFFA prezidentliyinə və İcraiyyə Komitəsinə namizədlər açıqlandı
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Rövşən Nəcəf: “Etimadı doğrultmaq üçün əlimdən gələni edəcəm”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- AFFA prezidentliyi ilə bağlı son durum - hər şey böhran vəziyyətinə doğru?
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- Minifutbol millimizin heyəti narazılıqla qarşılandı, baş məşqçi danışmaq istəmədi
- Bəhlul Mustafazadə: “Millidə bütün futbolçular ikiqat çalışırlar”
-
13:19
Kişi şahmatçılar arasında Azərbaycan çempionatında yarımfinalçılar müəyyənləşib
-
13:04
Bakıda bədii gimnastika üzrə Dünya Kubokunun ikinci gününə start verilib
-
12:53
“Qəbələ” “Qarabağ”, “Zirə” “Neftçi” səfərində
-
12:31
Ayxan Abbasovun həqiqətləri
-
12:00
Sərtan Taşkının komandası səfərdə qalib gəldi
-
11:48
"Atletik" öz meydanında büdrədi VİDEO
-
11:27
"İQ Sports" media və marketinq agentliyi fəaliyyətə başladı
-
11:15
"Yuventus" məğlubiyyətdən qaçdı VİDEO
-
11:03
“Traktor” səfərdə uduzdu
-
10:52
"Ayntraxt"ın qələbəsi VİDEO
-
10:39
Bu gün Azərbaycan Kubokunun qalibi müəyyənləşəcək
-
10:24
"Latsio" 3 xalı tək qolla qazandı VİDEO
-
10:11
Orxan Məmmədov “Neftçi” ilə oyundan öncə “Zirə”ni tək buraxmadı FOTOLENT
-
09:48
"Beşiktaş" "Ankaragücü"nü məğlub etdi VİDEO
-
09:30
"Qəbələ"nin 2 futbolçusu "Qarabağ"a qarşı oynamayacaq
-
20:15
"Sumqayıt" Tovuzdan qələbə ilə qayıdır VİDEO
-
19:58
Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
-
19:31
Samir Abasov: “Bu gün bizi bu yerdə görmək heç kim üçün xoş deyil”
-
18:26
"Sumqayıt” II pilləyə yüksəldi
-
16:42
Azərbaycan gimnastı: “Karyeramda ən böyük dəstəkçim anamdır”
-
16:07
PFL-in prezidenti: “Qəzadan sonra 9 dəfə əməliyyat olundum”
-
15:54
Tovuzda heyətlər açıqlandı
-
15:23
MOK-da Baham adaları Olimpiya Komitəsinin vitse-prezidenti ilə görüş olub
-
14:15
Azərbaycan atıcıları Olimpiya Təsnifat Çempionatında çıxış edəcəklər
-
13:46
Andersson azarkeşlərə səsləndi: “Boykot narazılığı ifadə etmək üçün ən yaxşı üsul deyil”
-
13:39
“Bojoviçin komandada qalıb-qalmaması mənim fikrimdən asılı olacaq”
-
13:28
“Neftçi”nin idman direktoru maaşını açıqlamaq istəmədi
-
13:20
Yens Andersson: “Sizə söz verə bilmərəm ki, qruplarda oynayacağıq”
-
12:57
"Qəbələ" Abu Akalla vidalaşdı
-
11:14
XXXI turun hakim təyinatları
-
10:31
Azərbaycanın stolüstü tennisçisi beynəlxalq turnirdə bürünc medal qazanıb
-
10:06
Mükafatlar uğrunda oyunların tarixləri müəyyənləşib
-
09:49
"Aston Villa" penatilərlə mərhələ adladı VİDEO
-
09:28
"Fənərbaxça" Konfrans Liqası ilə vidalaşdı VİDEO
-
09:10
İddiaçılar Turniri: Nicat Abasov yenə də uduzdu
-
19:01
“Turan Tovuz” azarkeşlərə səsləndi: Finala bərabər son 6 oyun! VİDEO
-
18:49
“Dinamo” - “Qusar” matçında 4 qol
-
18:16
I Liqada 22-ci tura yekun vuruldu
-
17:32
“Sumqayıt” “Turan Tovuz”la oyuna hazırdır FOTOLENT
-
16:55
Azərbaycan çempionatında ikinci finalçı müəyyənləşib
-
16:24
Hakimlər “kimə işləyir”? - Araşdırma
-
15:47
U-17 millisinin heyətində dəyişiklik
-
15:33
"Neftçi" Zirə” səfərinə hazırlaşır FOTOLENT
-
15:00
Tovuz stadionu ilk dəfə avrokubok oyununu qəbul edə bilər
-
14:28
Azərbaycan şahmatçıları Avropa çempionatında iştirak edəcəklər
-
14:11
Azərbaycanlı hakim Paralimpiadanın cüdo yarışlarına dəvət alıb
-
13:39
Azərbaycan Şahmat Federasiyası yeni loqonun hazırlanması ilə bağlı müsabiqə elan edib
-
13:08
AFFA İntizam Komitəsi iki kluba texniki məğlubiyyət verib
-
12:52
Adi Mehremiçə 4 oyunluq cəza
-
12:46
“Qəbələ”nin meneceri cəzalandırıldı