Serbiya millisi “Qəbələ” və “Neftçi”nin futbolçularını məyus etdi

Gürcüstan millisi DÇ-2018-in seçmə mərhələsində növbəti oyununu keçirib.

Futbolxeber.az saytının məlumatına görə, öz meydanında Serbiyanı sınağa çəkən Gürcüstan yığması oyunda hesabı açmasına baxmayaraq, yekunda 1:3 hesabı ilə uduzub.

Görüşün iştirakçıları arasında “Qəbələ”nin yarımmüdafiəçisi Nika Kvekveskiri və “Neftçi”nin müdafiəçisi Georgi Navalovski də olub.

Hər iki futbolçu Gürcüstan yığmasının heyətində 90 dəqiqə meydanda olub.

Qeyd edək ki, 5 oyundan sonra 2 xalı olan Gürcüstan yığması qrupda beşincidir.