29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Basketbol

Hollandiyanın baş məşqçisi: “Bakıda qarşımıza konkret hədəf qoyulmayıb”

Hollandiyanın U-17 yığmasının baş məşqçisi Kees Van Vonderen Serbiya ilə oyundan sonra Futbolxeber.az saytına müsahibə verib.

- Qrup mərhələsinin son oyununda Serbiya üzərində 2:0 hesablı qələbə qazanmaqla komandanız Avropa çempionatının 1/4 finalına yüksəldi. Təəssüratlarınız necədir?

- Əvvəldən çətin qrupda yer aldığımız məlum idi. Birinci oyunumuzda ispanlara uduzduq. Amma həmin görüşdə cəza səbəbindən 4 futbolçumuz meydana çıxmamışdı. Sonradan toparlandıq. Düzdür, İtaliya ilə oyunda bəxtimiz gətirdi ki, sonda qol vurduq. Bu gün də vacib qələbə qazanmaqla qrupdan çıxdıq.

- Komandanızın bundan sonrakı hədəfi nədir?

- Əvvəldən də məqsədimiz turnirdə mümkün qədər irəli getmək idi. Heyətdə yer alanlar gənc futbolçulardır. Bakıdakı hər oyun bizim üçün təcrübədir. Qarşımıza konkret hədəf qoyulmayıb. Məqsəd bacardıqca irəli getməkdir.

- 1/4 finalda hansı komanda ilə qarşılaşmaq istərdiniz?

- Hansısa komandanın adını çəkə bilərəm. Onsuz da “C” qrupunda yer alan komandaların 4-ü də güclüdür. Onların hər birinə qarşı oynamaq çətin olacaq. Rəqibin kimliyindən asılı olmayaraq, bizi qarşıda maraqlı oyun gözləyir.

- Bakıya gələrkən hava limanında sizinlə söhbətimizdə vaxtı ilə “Tvente”də birgə çalışdığınız azərbaycanlı futbolçu Vaqif Cavadovla görüşmək istədiyinizi bildirmişdiz. Onunla görüşə bildiniz?

- Xeyr, hələ ki Vaqiflə görüşə bilməmişik.

"Layihə AFFA yanında Media Komitəsi tərəfindən maliyyələşdirilir"




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31