AVRO-2016: “Bakıda məni skautlar yox, ölkəmin uğuru maraqlandırır” (MÜSAHIBƏ)

İsveçin 17  yaşadək futbolçulardan ibarət milli komandasının kapitanı Jozef Kolley Futbolxeber.az saytına müsahibə verib.

- Bakıdakı Avropa çempionatından nə gözləyirsiz?

- Bu turnir gənclərin inkişafı baxımından çox önəmlidir. Çempionatda çox güclü komandalar iştirak edir. Azarkeşləri bir-birindən maraqlı qarşılaşmalar gözləyir.

- Komandanızın yer aldığı qrupu necə dəyərləndirərdiz?

- Çox yaxşı qrupumuz var. Rəqiblərin hamısı güclüdür. Amma bu komandaların hər biri ilə oynamaq olar. Gücümüz buna imkan verir.

- İsveç millisi Avropa çempionatında nəyə ümid edir?

- Hər bir komanda kimi bizim də şansımız var. Çalışacağıq ki, bu fürsətdən yararlanaq. Rəqiblərimiz güclü olsalar da, ən yaxşı nəticə qazanacağımıza ümid edirəm.

- Avropa çempionatını Avropanın bir sıra klublarının skautları canlı izləyəcək. Bu məqam motivasiyanızı daha da artırır?

- Başqalarını deyə bilmər, öz adımdan danışıram. Bakıda məni skautlar yox, ölkəmin uğuru maraqlandırır.

- Turnirə ev sahibi kimi qatılan Azərbaycan yığması haqda hər hansı bir məlumatınız var?

- Sözün açığı, komandanızı yaxından tanımıram. Hazırda qrupdakı rəqiblərimiz haqda məlumat toplayırıq.

"Layihə AFFA yanında Media Komitəsi tərəfindən maliyyələşdirilir"