29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Basketbol

İspaniyanın baş məşqçisi: “Bu, həm “Atletiko”, həm də Azərbaycan üçün müsbət məqamdı”

İspaniyanın 17 yaşadək futbolçulardan ibarət milli komandasının baş məşqçisi Santi Denia Futbolxeber.az saytına müsahibə verib.

- Bakıda Avropa çempionatının startına çox az vaxt qalıb. Komandanız yarışa tam hazırdırmı?

- Avropa çempionatına çox yaxşı hazırlaşmışıq. Düzdür, turnirə son anda vəsiqə qazandıq. Lakin üzərimizdə çox işləyirik. Komandam çempionata hazırdı.

- İspaniya millisi “ölüm qrupu”nda növbəti mərhələyə adlaya biləcək?

- Həqiqətən də çox çətin çətin qrupa düşmüşük. İtaliya, Hollandiya və Serbiyanın gücü hər kəsə bəllidir. Rəqiblər güclü olsalar da, əlimizdən gələni edəcəyik. Növbəti mərhələyə vəsiqə qazanmağa çalışacağıq.

- Turnirin favoriti qismində hansı komandanın adını çəkə bilərsiz?

- Heç bir favoritim yoxdur. Bütün komandaların səviyyəsi demək olar ki bərabərdir. Avropa çempionatına vəsiqə qazanan istənilən komanda güclüdür.

- Səhv etmirəmsə, bu, Bakıya ilk səfəriniz deyil...

- Bəli, daha əvvəl də Bakıya səfər etmişəm. Buna qədər 2 dəfə Azərbaycanda olmuşam. Bu, üçüncü səfərimdir.

- Azərbaycan millisini Qazaxıstanda keçirilən “Prezident kuboku”nda oyunsonrası penaltilər seriyasında üstələmişdiz. Yığmamız yadınızda necə qalıb?

- Azərbaycan millisi yaxşı təşkil olunmuş komandadır. Öz üzərlərində çox çalışırlar. Komandada məşqçi işi görünür. Onlara qarşı çox çətinliklə, yalnız penaltilərdə qalib gəlmişdik.

- Yenidən Azərbaycanla finalda qarşılaşmaq istərdiz?

- Bu, böyük bir uğur olardı. Lakin həlledici qarşılaşmaya vəsiqə qazanmaq üçün hər iki konanda çox çalışmalıdır.

- Karyeranızın 10 ilini “Atletiko”da keçirmisiz. Bu komandanın Azərbaycanda xeyli sevildiyindən xəbəriniz var?

- “Atletiko” ilə əməkdaşlıq müqaviləsini nəzərdə tutursuz. “Land of fire Azerbaijan” brendi həm “Atletiko”, həm də ölkəniz üçün müsbət məqamdı. Artıq ölkəniz Avropada kifayət qədər tanınır. Bu işi həyata keçirən insanlara alqış düşür. 

"Layihə AFFA yanında Media Komitəsi tərəfindən maliyyələşdirilir"




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31