Şəhriyar Məmmədyarov: “Həsrətini çəkdiyim keçmişim artıq bu günüm və gələcəyimdir”

Şahmatçımız Şəhriyar Məmmədyarov Zəngilanın Genlik kəndinin işğaldan azad olunması ilə bağlı fikirlərini bölüşüb.

Futbolxeber.az saytının məlumatına görə, təcrübəli qrossmeyster sosial şəbəkədə bunları qeyd edib:

“Genlik kəndi geri alındı! Atamın, babamın və ulu babalarımın kəndi... Mənim doğma və həsrətini çəkdiyim keçmişim artıq bu günüm və gələcəyimdir. Xoşbəxtliyimi ifadə edəcək söz yoxdur. İnanıram ki, 2020-ci ildə hər bir vətən həsrəti çəkən azərbaycanlı öz torpağına qayıdacaq. Yaşasın Azərbaycan əsgəri! Yaşasın millətimiz və tarix yazan hökümətimiz!”