8 Aprel 2020, Çərşənbə
Dsdaşov yenidən icarəyə verilir?
Rüştü Rəcbər xəstəxanadan buraxıldı
Millimizi Di Françesko çalışdıracaq?
“Qəbələ”: 78 penaltidən 61-i qol olub

Digər idman növləri

FIDE prezidenti: "İddiaçılar Turniri təxirə salına bilər"

"Rusiyanın Yekaterinburq şəhərindəki şahmat üzrə İddiaçılar Turnirinin təxirə salınma riski var".

Futbolxeber.az saytının məlumatına görə, bu barədə Beynəlxalq Şahmat Federasiyasının (FIDE) prezidenti Arkadi Dvorkoviç Sport24.ru-ya açıqlamasında bildirib.

O deyib ki, qərar Rusiya Federasiyasının rəhbərliyindən asılıdır: "Hakimiyyətlə daimi dialoqdayıq, vəziyyəti izləyirik. Amma istənilən ölkədə olduğu kimi, burada da İddiaçılar Turnirinin təxirə salınma riski mövcuddur. İştirakçı sayının az olmasını nəzərə alsaq, görülən tədbirlər kifayət edəcək. Turnirin azarkeşsiz keçirilə biləcəyini də istisna etmirəm. Buna yerində, konkret şərtlərə əsaslanaraq qərar veriləcək. Komanda riski minimuma endirmək üçün hər şeyi edir. İstənilən halda, şahmatı hər kəs internet vasitəsilə izləyəcək".

Turnirin iştirakçıları barədə də danışan A.Dvorkoviç bildirib ki, çinli şahmatçılardan Dinq Liren bir neçə gündür karantindədir: "Liren ayrı evdə qalır. Səhhəti ilə bağlı hər şey qaydasındadır. Burada hər hansı problem görmürük. Çinin digər təmsilçisi Van Hao uzun müddətdir vətənində deyil. Fransalı Maksim Vaşye-Laqrava gəlincə, karantin ilk növbədə, Fransadan Rusiyaya gələn vətəndaşlara aiddir. Üstəlik, o, Moskvaya deyil, Yekaterinburqa uçur. Bütün şahmatçıların vəziyyəti normal qaydada nəzarət altında olacaq".

Qeyd edək ki, azərbaycanlı şahmatçı Teymur Rəcəbov koronavirus təhlükəsinə görə İddiaçılar Turnirində iştirakdan imtina edib. 33 yaşlı qrossmeysteri Maksim Vaşye-Laqrav əvəzləyib.

Yarış martın 15-dən aprelin 5-dək Rusiyanın Yekaterinburq şəhərində keçiriləcək. Turnirdə ümumilikdə 8 şahmatçı - Fabiano Karuana (ABŞ), Aniş Giri (Niderland) Maksim Vaşye-Laqrav (Fransa), Aleksandr Qrişuk, Yan Nepomnyaşi, Kirill Alekseyenko (hamısı Rusiya), Dinq Liren və Van Hao (hər ikisi Çin) iştirak edəcəklər. Yarışın qalibi norveçli dünya çempionu Maqnus Karlsenlə şahmat tacı uğrunda mübarizə aparacaq ("Report").

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30