15 Noyabr 2018, Cümə axşamı
“Bütün şanslarımızı itirməmişik”
"Sumqayıt"da yeni baş məşqçi
“Qəbələ” nümayəndələrı Nyonda
Ölkə kubokunun püşkü atıldı

Digər idman növləri

İlham Əliyev Olimpiya medalçılarını mükafatlandırdı

Bu gün Azərbaycan Respublikasının Prezidenti İlham Əliyev Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunlarında Azərbaycan idmançıları və onların məşqçiləri üçün yüksək nəticələrə görə mükafatların müəyyən edilməsi ilə bağlı Sərəncam imzalayıb.

Futbolxeber.az saytının “Azərtac”a istinadən verdiyi məlumata görə, Sərəncama əsasən, Yeniyetmələrin III Yay Olimpiya Oyunlarında birinci yeri tutan hər bir idmançıya 50 min manat, onun məşqçisinə 25 min manat məbləğində mükafat veriləcək.

Olimpiadada ikinci yeri tutan hər bir idmançıya və məşqçiyə müvafiq olaraq, 30 min və 15 min manat məbləğində mükafat nəzərdə tutulub.

Üçüncü yeri tutan idmançı 20 min, onun məşqçisi isə 10 min manat məbləğində mükafatlandırılacaq.

Bundan başqa, Azərbaycan Milli Olimpiya Komitəsi (MOK) prezidentinin sərəncamına əsasən, Yeniyetmələrin III Yay Olimpiya Oyunlarında yüksək nəticələrə görə MOK-un mükafatlarının məbləği də müəyyənləşib. Belə ki, birinci yeri tutan hər bir yeniyetmə idmançıya 25 min manat, onun məşqçisinə 12,5 min manat mükafat veriləcək. İkinci yerə layiq görülən idmançı 15 min manat, onun məşqçisi 7,5 min manat məbləğində mükafatlandırılacaq. Üçüncü yeri tutan hər bir yeniyetmə idmançıya 10 min manat, onun məşqçisinə isə 5 min manat məbləğində mükafat nəzərdə tutulub.

Hər iki sərəncama əsasən, komandanın baş məşqçisi idman növü üzrə ən yüksək nailiyyət göstərmiş idmançıya görə şəxsi məşqçinin aldığı məbləğ qədər (bir dəfə) mükafatlandırılacaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2018
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30





Click to Visit