15 Dekabr 2018, Şənbə
Ərsun Yanal yenidən "Fənərbaxça"da
“Bu gün futbolçularımdan razı qaldım”
“Qarabağ” "Arsenal"a uduzdu
Prezident Mircavadovu mükafatlandırdı

Digər idman növləri

Cüdo üzrə dünya çempionatı: ilk 3 gündə 14 ölkə medal qazandı

Bakıda keçirilən cüdo üzrə dünya çempionatında ilk 3 yarış günündə cəmi 14 ölkə medal qazanıb.

Futbolxeber.az saytının məlumatına görə, 6 dəst və ya 24 medal (6 qızıl, 6 gümüş, 12 bürünc) məhz bu qədər ölkə arasında bölünüb.

Kişilərin yarışında 3 dəst medal 8 ölkəyə, qadınların mübarizəsində isə eyni sayda medal dəsti 9 ölkəyə qismət olub.

Ən çox medala Yaponiya sahib çıxıb. Cüdonun vətənindən gələnlər ümumilikdə 4 qızıl, 3 gümüş və 1 bürünc medala yiyələniblər. Bunlardan 2 qızıl və 2 gümüş medal qadınların, 2 qızıl, 1 gümüş və 1 bürünc medal kişilərin yarışında əldə olunub. Qadınların mübarizəsində digər qızıl medalı Ukrayna, kişilərdə isə Cənubi Koreya qazanıb.

Medal qazanan ölkələrdən Yaponiya, Cənubi Koreya, Qazaxıstan, Monqolustan və İran Asiyanı, Ukrayna, Rusiya, Böyük Britaniya, Azərbaycan, Fransa və Gürcüstan Avropanı, Braziliya və Argentina Cənubi Amerikanı, Kanada isə Şimali Amerikanı təmsil edir. Beləliklə, hələlik yalnız Afrika ilə Avstraliya və Okeaniya medalsızdır.

Kişilərin yarışında medalları yalnız Asiya və Avropa qitələrinin cüdoçuları əldə ediblər. "İlk 3-lük"dəki Yaponiya, Cənubi Koreya, Qazaxıstan və 7-ci yerdə gedən İran Asiya, Rusiya, Azərbaycan, Gürcüstan və Ukrayna Avropa qitəsindəndir.

Qadınların mübarizəsində isə Yaponiya, Monqolustan və Qazaxıstan Asiya, Ukrayna, Böyük Britaniya, Fransa Avropa, Braziliya və Argentina Cənubi Amerika, Kanada Şimali Amerikadandır.

Azərbaycanın yeganə medalını kişilərin yarışında Hidayət Heydərov qazanıb. 21 yaşlı idmançı 73 kq çəki dərəcəsində bürünc medala yiyələnib.

İlk 3 günün medalları

Kişilər

60 kq

1. Naohisa Takato (Yaponiya)

2. Robert Mşvidobadze (Rusiya)

3. Ryuyu Naqayama (Yaponiya)

3. Amiran Papinaşvili (Gürcüstan)

66 kq

1. Abe Hifumi (Yaponiya)

2. Yerlan Serixjanov (Qazaxıstan)

3. Baul An (Cənubi Koreya)

3. Georgi Zantaraya (Ukrayna)

73 kq

1. Çanqrim An (Cənubi Koreya)

2. Soiçi Haşimoto (Yaponiya)

3. Hidayət Heydərov (AZƏRBAYCAN)

3. Məhəmməd Məhəmmədi (İran)

Qadınlar

48 kq

1. Darya Beloded (Ukrayna)

2. Funa Tonaki (Yaponiya)

3. Otqonsetseq Qalbadrax (Qazaxıstan)

3. Paula Pareto (Argentina)

52 kq

1. Uta Abe (Yaponiya)

2. Ay Şişime (Yaponiya)

3. Amandin Buşar (Fransa)

3. Erika Miranda (Braziliya)

57 kq

1. Tsukaşa Yoşida (Yaponiya)

2. Nekoda Smit-Devis (Böyük Britaniya)

3. Krista Dequşi (Kanada)

3. Sumiya Dorjsuren (Monqolustan)

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2018
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31





Click to Visit