23 Avqust 2019, Cümə
"Qarabağ" "Linfild"ə uduzdu
III turun oyun cədvəlini açıqlandı
"Estremadura" Mahirdən imtina edir
Milli komandamız PES-2020-də

Digər idman növləri

"Hər bir oyunçu Avropa Çempionatının məsuliyyətini dərk edir"

Bu gün Azərbaycan Voleybol Federasiyasının prezidenti Cavid Qurbanov qadınlardan və kişilərdən ibarət milli komandaların məşqçi, oyunçuları və AVF işçiləri ilə görüşüb. Futbolxeber.az-ın məlumatına görə, o, yığmanın üzərlərinə düşən öhdəlikləri yüksək səviyyədə həyata keçirdiyini deyib:
 
“İlk olaraq hər kəsi qazanılan qələbələr münasibəti ilə təbrik edirəm. Qadınlardan ibarət milli komandamız bu günə kimi öz üzərlərinə düşən öhdəlikləri yüksək səviyyədə həyata keçirdilər. Biz bu gün İslam oyunlarının qalibi və Dünya Çempionatının iştirakçılarıyıq. Qarşıda isə bizi daha böyük və məsuliyyətli yarış Avropa Çempionatı gözləyir.
 
Düşünürəm ki, biz Avropa Çempionatında da öz sözümüzü layiqincə deyə biləcəyik. Mən Federasiya rəhbəri olaraq, əlimdən gələn köməyi etməyə hazıram ki, biz çempionatda yüksək nəticələrdən birini əldə edək. Yalnız burada böyük iş siz voleybolçuların və məşqçilərin üzərinə düşür. Azərbaycan Avropa Çempionatına ev sahibliyi edir. Biz AVF olaraq, bu yarışın təşkilində bacardığımızı edə bilərik, amma əsas qələbədir. Düşünürəm ki, bizim komandamız qələbəyə layiq komandadır. Bir neçə gündən sonra hazırlıqlar başlayacaq, mənim fikrimcə, hər bir oyunçu Avropa Çempionatının məsuliyyətini dərk edir. Buna görə də var gücünüzlə çalışmalısız ki, yüksək nəticə əldə edəsiz. Hər birinizə uğurlar arzu edirəm.
 
Kişilərdən ibarət milli komandamız İslam oyunlarında II yerin sahibi oldular. Deyə bilərəm ki, gümüş medallar böyük nəticədir. Yaxın keçmişdə kişilərdən ibarət milli komandamızın belə bir uğuru olmamışdır. Bu qələbə münasibəti ilə sizləri təbrik edirəm. Buna baxmayaraq Avro Liqa yarışlarında komandamızın çıxışı ürək açan olmamışdır. Bu gün bizim əsas məqsədimiz kişi voleybolunu daha da yüksəltməkdir. Ölkə çempionatında kişi komandalarının sayı ilə bərabər komandaların gücünü də artırmaqdır”.
 
Millinin baş məşqçisi Faiq Qarayev isə bu fikirləri səsləndirib: “Mən Cavid Qurbanova təşəkkür etmək istəyirəm çünki, oyunlar vaxtı və hər zaman bizim yanımızdadır. Qadın komandamızın qazandığı uğurlar hamımızın uğurudur. Biz yaxın günlərdə Avropa Çempionatına hazırlıqlara start verəcəyik. Qarşıda komandamızı turnirlər, təlim-məşq toplantıları gözləyir. Artıq neçə müddətdir ki, qadınlardan ibarət milli yığmamız iki komanda şəklində hazırlıqları keçirir. Bu gün komandamızda zədəli oyunçularımız var. Qeyd edim ki, dünya çempionatının seçmə oyunlarında da bizim bir neçə oyunçumuz zədələr üzündən meydançaya çıxmamışdır. Bu qarşıdakı hazırlıq zamanı çalışmalıyıq ki, oyunçularımız daha yaxşı formada olsunlar. Düşünürəm ki, Dünya Çempionatından sonra komandalar bizimlə oyuna daha ciddi hazırlaşacaqlar. Biz də buna hazır olmalıyıq”.
 
Görüşdə Avropa Çempionatının keçirilməsi üçün görülən və görüləcək işlərdən danışıldı. 
 
Qeyd edək ki, 22 iyul-25 iyul tarixlərində Bakıda və Göygöldə Avropa Çempionatının test oyunları keçiriləcək.
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31