23 Avqust 2019, Cümə
"Qarabağ" "Linfild"ə uduzdu
III turun oyun cədvəlini açıqlandı
"Estremadura" Mahirdən imtina edir
Milli komandamız PES-2020-də

Digər idman növləri

Güləşçilərimiz İranda 2 medal qazandı

28-30 iyun tarixdə İran İslam Respublikasının Qum və Çabahar şəhərlərində yunan-Roma və sərbəst güləş üzrə yeniyetmələr arasında İmam Yadigar Kuboku uğrunda 3-cü beynəlxalq turnir keçirilib. Futbolxeber.az-ın məlumatına görə, komandalararası yarış xarakterində olan turnirdə hər iki yığma komandamızın üzvləri iştirak edib. 
 
Yunan-Roma güləşçilərimiz gümüş, sərbəst güləşçilərimiz isə bürünc medal qazanıb. 
 
Qum şəhərində keçirilən yunan-Roma güləşi üzrə turnirdə 18 komanda 4 qrupda mübarizə aparıb. İraq (10-0), Tacikistan (8-2) və Serbiya (10-0) ilə D qrupunda yarışan güləşçilərimiz bütün görüşlərini qələbə ilə başa vurub. Qrup birincisi kimi yarımfinala yüksələn komandamız Türkiyə yığması ilə gərgin keçən görüşü 6-4 qələbə ilə yekunlaşdırıb və finala yüksəlib. Həlledici görüşdə İran yığmasının əsas komandası ilə qarşılaşan güləşçilərimiz 3-7 hesabı ilə uduzub və turnirin gümüş medalına yiyələnib. 
 
Böyük məşqçi Bəhram Mürvətov və məşqçi Fuad Alıyevin rəhbərliyi altında turnirdə Qurban Qurbanov (42 kq), Həsrət Cəfərov (46 kq), Zaur Əliyev (50 kq), Əsgər Əlizadə (54 kq), Həsən Məmmədli (58 kq), Vəfadar Cəfərov (63 kq), Asim İmanzadə (69 kq), Fikrət Vəliyev (76 kq), Bəhruz Həziyev (85 kq) və Sərxan Məmmədov (100 kq) iştirak edib. 
 
Çabahar şəhərində keçirilən sərbəst güləş yarışlarında isə 16 komanda iştirak edib. İran (9-1), Macarıstan (9-1) və İraq (10-0) komandaları ilə B qrupunda mübarizə aparan sərbəst güləş yığmamız qrup birincisi kimi yarımfinala yüksəlib. Yarımfinalda Rusiya yığmasına 7-3 uduzan güləşçilərimiz bürünc medal görüşünə haqq qazanıb. Həlledici görüşdə digər bir İran komandasıyla qarşılaşan yığmamız 6-4 hesabı ilə qələbə qazanıb və turniri bürünc medalla başa vurub. 
 
Məşqçilər Vahid Məmmədov və Yaşar Əliyevin rəhbərliyi altında turnirdə Kənan Heybətov (42 kq), Əşrəf Kərimzadə (46 kq), Mahir Məmmədzadə (50 kq), Ramiz Həsənov (54 kq), Əsgər Məmmədəliyev (58 kq), Hacımurad Hacıyev (63 kq), Davud İbrahimov (69 kq), Abdulmuslim Məmmədov (76 kq), Sənan Əlizadə (85 kq) və Hamlet Nəsibli (100 kq) iştirak edib. 
 
Görüşlərin idarə edilməsində ölkəmizi beynəlxalq dəcərəli hakim Kamran Əliyev təmsil edib.
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31