“Qəbələ” boksçularından 8 medal

Boks üzrə Azərbaycan çempionatına yekun vurulub. 

 

Futbolxeber.az-ın məlumatına görə, Azərbaycan Boks Mərkəzində keçirilən yarışda “Qəbələ” İdman Klubunun təmsilçiləri də qüvvəsini sınayıb. Şimal təmsilçisinin kişi boksçuları 6 gün davam edən çempionatı 8 medalla başa vurub. 

 

Qəbələlilərdən dördü öz çəki dərəcəsində bütün rəqiblərinə qalib gələrək fəxri kürsünün ən yüksək pilləsinə qalxıb. “Qırmızı-qaralar”ın boksçularından Məhsəti Həmzəyev (57 kq), Cavid Çələbiyev (60 kq), Roman Zakirov (69 kq) və Kamran Şahsuvarlı (75 kq) Azərbaycan çempionu adına yiyələniblər. Tamerlan Abdullayev (69 kq), Rauf Rəhimov (81 kq) və Asəf Aslanlı (+91 kq) isə finala qədər bütün rəqiblərini məğlub edib, yalnız həlledici qarşılaşmada uduzmaqla 2-ci pilləni tutublar. Daha bir qəbələli idmançı fəxri kürsüyə yüksəlib. Kamran Baxşəliyev (64 kq) 3-cü yeri tutaraq Azərbaycan çempionatının bürünc mükafatçısı olub.