Yığmamızın 4 üzvü Türkiyə klublarında

Türkiyənin Arsuz İsgənderun bölgəsində çimərlik futbolu üzrə Türkiyə super finallarının oyunları keçirilir.

15 komanda arasında keçirilən super final mərhələsində iştirak edən “Arsuzbelediyyespor” və “Gevaşspor” komandalarının heyətində üzrə Azərbaycan millisinin üzvləri də yer alıb.

Klub prezidenti Ayhan Dik tərəfindən dəvət alan millimizin üzvləri Orxan Məmmədovla Fəyyar Hüseynov “Arsuzbelediyyespor”un,  Namiq İsgəndərov və Ramil Əliyev isə “Gevaşspor”un şərəfini qoruyurlar.

Qeyd edək ki, Portuqaliya, İsveç və İspaniya kimi ölkələrin çimərlik yığmalarının məhşur ulduzlarının da iştirak etdiyi və oktyabrın 23-ü bitəcək final mərhələsinin qrup oyunları başa çatıb. Millimizin üzvlərinin çıxış etdikləri hər iki komanda qrup mərhələsində uğurla başa vuraraq növbəti mərhələyə vəsiqə qazanıb.