Rio-2016: Olimpiada tarixində ilk - ana və oğul birlikdə yarışacaqlar

Rio-2016 Yay Olimpiya Oyunları tarixi olaya şahidlik edəcək. Futbolxeber.az saytının məlumatına görə, möhtəşəm yarışın tarixində ilk dəfə ana və oğul birlikdə çıxış edəcəklər.

Belə ki, Gürcüstan millisinin xanım snayperi Nina Salukvadze və oğlu Tsotne Maçavariani ölkələrini birlikdə təmsil edəcəklər. Onlar pnevmatik tapançadan atəş açma yarışlarında qüvvələrini sınayacaqlar.

18 yaşlı Maçavariani ilk dəfədi ki, olimpiya oyunlarında iştirak edir. Onun anası 47 yaşlı Nino isə 8-ci dəfə planetin ən mötəbər yarışında Gürcüstanı təmsil edir. O, indiyə qədər olimpiya oyunlarında bütün əyarlı medalları qazanıb.

Bu tarixi hadisə ilə bağlı açıqlama verən xanım snayper özündən daha çox oğlu üçün gərginlik keçirdiyini deyib: “Mən burda oğlumla birlikdə çıxış etməkdən çox qürur duyuram. İnanın ki, özümdən daha çox onun üçün gərginlik keçirirəm. Mən onun həm məşqçisi, həm də komanda yoldaşıyam” (apasport.az).