26 Avqust 2019, Bazar ertəsi
“Sumqayıt” “Səbail”ə uduzdu
UEFA “Qarabağ”ı cərimələdi
DÇ-2022 Bakıda keçiriləcək
Dabo azarkeşlərdən üzr istədi

Digər idman növləri

Nazir: “Rioda hədəf ən azı Londondakı nəticələri təkrarlamaqdır”

2016-cı il Rio-de-Janeyro Yay Olimpiya Oyunlarında Azərbaycan idmançılarının hədəfi ən azı London olimpiadasındakı nəticələri təkrarlamaqdan ibarət olacaq. Futbolxeber.az saytının "Report"a istinadən verdiyi məlumata görə, bunu gənclər və idman naziri Azad Rəhimov keçirdiyi mətbuat konfransında deyib.

O bildirib ki, "Bakı 2015" I Avropa Oyunlarındakı nəticələr, maddi-texniki bazanın, infrastrukturun möhkəmlənməsi və idmançılara göstərilən diqqət və qayğı belə nəticələrin əldə olunacağına zərurət yaradır.

Həmçinin nazir bildirib ki, əvvəlki Olimpiya Oyunlarında bayraqdarlardan Fərid Mansurov xəstələnməsi, Elnur Məmmədlinin isə hakim qərarı ilə məğlub oldu: "İndi biz boksdan Teymur Məmmədovu bayraqdar seçmişik. İkinci olimpiadada iştirak edəcək, kifayət qədər nailiyyətləri olub. Ona görə də qərara aldıq ki, onu bayraqdar seçək".

Nazir dopinq məsələsinə də toxunub: "Mən düşünürəm ki, idmançıları yox, onları yoxlayan qurumlar yoxlanılmalıdır. İdmançılara psixoloji təzyiq göstərmək lazım deyil. Dünyada kifayət qədər yoxlama aparan qurum var. Onlar hamını yoxlamırlar. İstərdik ki, idmanda da belə olsun. Nəyə görə idmançılar təzyiq altında saxlanılmalıdırlar? Nəyə görə 8 ildən sonra B probu açılmalıdır? İdmançını yoxlayırlar ki, ata-babası 8 il əvvəl nə edib?"

A.Rəhimovun sözlərinə görə, olimpiadadan əvvəl Azərbaycanın bütün idmançıları dopinq yoxlamasından keçib: "Ümumdünya Antidopinq Agentliyinin əməkdaşı yoxlama aparıb. Qan analizləri gömrük yoxlamasından buraxılmayıb. Buna görə boksçularımızı olimpiadaya buraxmaq istəmirdilər. Gecə ilə Antidopinq Sektorumuzun müdiri İradə Rüstəmzadə və Azərbaycan Boks Federasiyasının icraçı direktoru Nağı Səfərov Bakıdan Kölnə uçaraq, analizləri yenidən təqdim ediblər. Nəticədə heç bir problem aşkarlanmayıb. Sanki burada kriminal insanlar oturub. Hamısı Azərbaycanı yoxlamaq istəyib".

Nazir vurğulayıb ki, idmançıların Olimpiya Kəndində təhlükəsizlikləri ilə bağlı problem yoxdur və onların yalnız xüsusi məhəllələrə buraxılmamaları qərara alınıb.

A.Rəhimov Rusiya idmançılarının olimpiadaya buraxılmasına çox sevindiyini bildirib: "Çünki onlarsız rəqabət azalardı. Bəziləri düşünür ki, bizim daha yüksək nəticələr göstərməyimiz üçün yaxşıdır. Amma biz belə düşünmürük. Rusiyalı idmançıların olmaması rəqabətin itməsinə, olimpiya ideyalarına zərbə olardı".




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31