18 Avqust 2019, Bazar günü
“Qəbələ” “Sumqayıt”a məğlub oldu
Rüfət Dadaşov milliyə dəvət aldı
"Qarabağ" "Keşlə"ni məğlub etdi
"Neftçi" erkən qol vursaydı...”

Digər idman növləri

Rio-2016: Azərbaycanın daha 3 lisenziyası əlindən alındı

Ağırlıqqaldırma üzrə Azərbaycan millisi Rio Yay Olimpiya Oyunlarına yollanmaq şansını itirib. Futbolxeber.az saytının apasport.az-a istinadən verdiyi məlumata görə, buna Beynəlxalq Ağırlıqqaldırma Federasiyasının (IWF) komandamızın bütün lisenziyalarını ləğv etməsi səbəb olub.

IWF az öncə 1 kişi, həmçinin “wild card”a ümid etdiyimiz, lakin rəsmən almadığımız 1 qadın idmançımızın vəsiqəsini ləğv etmişdi. Buna səbəb isə Hyustonda keçirilən dünya çempionatı zamanı 6 ağırlıqqaldıran - Elxan Əliquluzadə, Silviya Angelova, Firudin Quliyev, Valentin Xristov, Dadaş Dadaşbəyli və İntiqam Zairovun qanından götürülən analizin müsbət nəticə verməsi idi. Diskvalifikasiyaya məruz qaldıqlarından onların 2015-ci il dünya çempionatında topladığı xallar da millimizin hesabından silinib.

Nəticədə 2 dünya çempionatının yekununa əsasən 135 xalla 16-cı yerdə olan komandamız 31-ci pilləyə enib. Yığmamızın hesabından isə 83 xal çıxılıb. Bu da o deməkdi ki, ağırlıqqaldıranlarımızın Rio arzuları puç olub.

Millimizin son 2 dünya çempionatındakı çıxışının nəticəsinə əsasən 4 lisenziya ilə Olimpiadaya yollanması gözlənilsə də, yekunda 1 atletimiz belə Braziliyaya getməyəcək.

Bununla, indiyədək Rioya 56 lisenziya qazanan Azərbaycan yığmasının daha 3 lisenziyası əlindən alınıb.

Qeyd edək ki, Beynəlxalq Olimpiya Komitəsi iyulun 9-da keçirəcəyi iclasda London-2012-də orqanizmindən götürülən analizin təkrar yoxlanışı zamanı müsbət nəticə verən Boyanka Kostova ilə bağlı da qərarını açıqlayacaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31