11 Dekabr 2019, Çərşənbə
“Qəbələ”nin qapıçısına sərt cəza
Özbəkistanlı yarımmüdafiəçi "Keşlə"də
Məmmədov Dadaşlinskinin qonağı oldu
"Neftçi"nin 5 üzvü rəmzi komandada

Digər idman növləri

Emil Sutovski: "Olimpiadada layiqli çıxış etməyə çalışacağıq"

Bakı Şahmat Olimpiadasına hazırlaşan kişi şahmatçılardan ibarət Azərbaycanın ikinci komandası məşqləri davam etdirir. Futbolxeber.az saytının məlumatına görə, ilk təlim-məşq toplanışına 6 şahmatçı - Qədir Hüseynov, Vasif Durarbəyli, Namiq Quliyev, Nicat Abbasov, Vüqar Rəsulov və Ülvi Bacarani cəlb olunub. Hazırlıq başa çatandan sonra olimpiadada ikinci komandanın şərəfini qoruyacaq beş şahmatçının adı məlum olacaq. Paytaxtdakı ilk hazırlıq mərhələsi İsrail qrossmeysteri, Avropa çempionu Emil Sutovskinin rəhbərliyi altında keçirilir.

Komandanın məşqçisi Emil Sutovski Bakı Şahmat Olimpiadası Əməliyyat Komitəsinin mətbuat xidmətinə müsahibəsində hazırlıq barədə danışıb: "Bu şahmatçılarla əvvəllər də birgə işləmişik. Ona görə heç bir problemimiz yoxdur. Hazırlıq üçün yüksək səviyyədə şərait yaradılıb. Böyük potensiala malik şahmatçılardır. Onlarla işləmək olduqca maraqlıdır.

İlk hazırlıq mərhələsində debüt - açılış üzərində işləyirik. Şahmatda debüt çox vacibdir. Müasir şahmatda debütdən çıxmaq əsas problemlərdən biridir. Şahmatçılarla müxtəlif debütlər üzərində çalışırıq. Özümlə kompyuterdə çoxlu material gətirmişəm. Debütlə yanaşı müxtəlif variantlar zamanı gedişləri öyrənirik. Ümumi müzakirə zamanı maraqlı məlumatlar əldə olunur. Bu gün beşinci məşq günümüzdür. Hazırlıqdan razıyam.

Bakı Şahmat Olimpiadası şahmat dünyasının əsas yarışıdır. Azərbaycan paytaxtında dünyanın ən güclü komandaları və şahmatçıları mübarizə aparacaq. Ölkənin ikinci komandası kimi layiqli çıxış etməyə çalışacayıq. Reytinqə görə 40 komanda arasında qərarlaşırıq. Məqsədimiz mümkün qədər yaxşı çıxış etməkdir. Əgər şahmatçılar bacardıqları oyunu göstərsələr ilk onluğa düşmək mümkündür".

Qeyd edək ki, Azərbaycan təşkilatçı ölkə kimi 42-ci Ümumdünya Şahmat Olimpiadasında 3 kişi və 3 qadın komandasıyla təmsil olunacaq.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31