29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Digər idman növləri

Universal döyüş üzrə beynəlxalq turnir uğurla yekunlaşdı

Mayın 6-8-də Hövsan Olimpiya İdman Kompleksində universal döyüş üzrə ümummilli lider Heydər Əliyevin anadan olmasının 93-cü ildönümünə həsr olunmuş beynəlxalq turnir keçirilib. Futbolxeber.az saytının məlumatına görə, yarışda Azərbaycan idmançıları ilə yanaşı, 9 ölkədən (Rusiya, Türkiyə, İran, Gürcüstan, Qazaxıstan, Türkmənistan, Qırğızıstan) 278 idmançı bacarığını nümayiş etdirib. Komandamızın üzvləri uğurla çıxış edərək 9 qızıl medala sahib çıxıblar. İdmançılarımızdan Cümşüd Məmmədov (60 kq), Elçin Hüseynli (65 kq), Namiq Məmmədzadə (70 kq), Əziz Əzimov (75 kq), Əliqismət Məmmədov (80 kq), Nicat Tağıyev (90 kq), Tahir Məsimov (95 kq), Yasər Rüstəmov (+95 kq) bütün rəqiblərini üstələyərək çempion tituluna yiyələniblər.

Ümumi hesabda Azərbaycan yığma komandası birinci pillədə qərarlaşıb. Rusiya komandası ikinci, İran yığması isə üçüncü olub.

Turnir çərçivəsində peşəkarlar arasında 5 reytinq döyüşü və Asiya kəməri uğrunda döyüş də təşkil edilib. Nihad Qocayev (75 kq) və Fərid Mirzəbəyov (85 kq) reytinq döyüşlərində qalib adını qazanıblar. Asiya kəməri uğrunda döyüşdə isə Nicat Əliyev (75 kq) çempion olaraq kəməri ölkəmizdə saxlayıb. Döyüşlərdə fərqlənmiş idmançılara da mükafatlar təqdim olunub. Cümşüd Məmmədov yarışın «ən texnikalı döyüşçü»sü, Namiq Məmmədzadə isə «ən əzmkar döyüşçü» adına layiq görülüb.

Yığmamızın çıxışı ilə bağlı fikirlərini bölüşən Azərbaycan Universal Döyüş Federasiyasının prezidenti, Beynəlxalq Universal Döyüş Federasiyasının I vitse-prezidenti Azər Həsənov komandanın çıxışından razı qaldığını bildirib: «Bu yarış Gənclər və İdman Nazirliyi, eləcə də, Azərbaycan Universal Döyüş Federasiyasının birgə təşkilatçılığı ilə keçirildi. Ümummilli liderimiz Heydər Əliyevin xatirəsinə həsr olunmuş yarış Beynəlxalq Universal Döyüş Federasiyasının rəsmi təqvim planında yer aldığı üçün bu turnirə maraq daha çoxdur. Qeyd edim ki, yarışların açılış mərasimində Beynəlxalq Universal Döyüş Federasiyasının prezidenti, Olimpiya çempionu Sergey Novikov da iştriak edirdi. Sevindirici haldır ki, budəfəki yarış uğurla yekunlaşdı. Komandamız yarışa çox yaxşı hazırlaşmışdı. Komandamızın üzvləri yarışa hazırlıq məqsədilə Tofiq Bəhramov adına Respublika Stadionunda və Gürcüstanda keçirilən təlim-məşqlərdə iştirak etmişdilər.  Qeyd edim ki, turnir çərçivəsində universal döyüş tarixində ilk dəfə peşəkarlar arasında döyüşlər və Asiya Kəməri uğrunda peşəkar döyüş də keçirildi. Peşəkar döyüşlərə ilk dəfə Azərbaycanın ev sahibliyi etməsi bu növün Azərbaycanda yüksək inişafından xəbər verir. İnanıram ki, təmsilçilərimiz bundan sonrakı mötəbər yarışlarda da onlara bəslənilən ümidləri doğruldacaqlar».

 

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31