“Azərbaycan kimi ölkədə keçirilən mötəbər yarışda qalib olmaq çox xoşdur”

“Bugünkü mərhələ olduqca maraqlı keçdi. Məsafənin son 5 kilometri 4-5 faiz yoxuş idi. Finişə yaxın rəqiblər hücuma keçdilər. Lakin sonda tam sürətlə finişə doğru irəliləyərək qalib oldum”. Futbolxeber.az saytının məlumatına görə, bu sözləri “Synergy Baku”nun üzvü, “Tour d`Azerbaijan-2016”nın III mərhələsinin qalibi Matey Mügerli deyib.  

O, mərhələnin qalibi olduğunu görə sevincini gizlətməyib: “Azərbaycan kimi ölkədə keçirilən mötəbər yarışda qalib olmaq çox xoşdur. Həm mənim üçün, həm də komandam üçün yaxşı nəticə qazandıq”.

Mügerli qeyd edib ki, “Tour d`Azerbaijan-2016”nın ilk 3 mərhələsində “Synergy Baku”nun köynək qazanmaması böyük problem deyil: “Əsas komandamızın qələbəsidir. Köynək önəmli deyil. Ötən il 3-4 köynək qazansaq da, heç bir mərhələdə qalib ola bilməmişdik”.

“Synergy Baku”nun üzvü III mərhələdə bəzi idmançıların toqquşmasına da münasibət bildirib: “Belə hallar olur. Təşkilatçılar təhlükəsizlik üçün hər şeyi etmişdilər. Bu məsələdə günah idmançılardadır. Lakin bunu adi hal kimi qəbul etmək lazımdır”.