4 Mart 2021, Cümə axşamı
"Neftçi” yenidən zirvədə
"Bakcell Arena"da işıqlar söndü
Baxşıyev: “Təslim olmuruq”
“Qarabağ” liderliyə yüksəldi

Digər idman növləri

Elnur Əşrəfoğlu: “Şido ilə də qələbə olsa, bəsimdir”

Cüdo federasiyasının Mətbuat və İctimaiyyətlə Əlaqələr Departamentinin rəhbəri Elnur Əşrəfoğlunun müsahibəsi

- Cüdo federasiyasında məsul vəzifəyə təyinatın ilk günləri barədə danışardınız. Nə yeniliklər?

- Adi iş günləri. Çünki bu iş, bu vəzifə mənə yad deyil. Bilirsiniz, dəfələrlə Olimpiya Oyunlarında, müxtəlif idman növləri üzrə dünya və Avropa çempionatlarında, beynəlxalq yarışlarda jurnalist kimi iştirak etmişəm, o cümlədən, cüdo yarışlarında.

- Cüdodakı durum hamıya məlum idi. Maliyyə çətinliyi cüdoçuların nəticəsinə də təsir göstərmişdi. Hətta yığma üzvləri bir neçə dəfə bunt qaldırmışdı, şikayətlənirdilər. Bu barədə hansı addımlar atılıb?

-  Federasiyada görüləsi işlər çoxdur. Bir cüdo ailəsi olaraq burada çalışan hər kəsin üzərinə böyük yük düşür. Milli komandamızın yeni baş məşqçisi ictimaiyyətə təqdim olundu. Avstriyalı məşqçi millinin üzvləri ilə görüşdü. Bəzi idmançılarımızın  zədələri var.  Qərara alındı ki, onlar Avstriyada müayinə olunsun.

- Qarşıda hansı yarış və ya toplanışlar var və hazırlıqlar necə gedir?

-  Oktyabrın 17-də Parisdə mötəbər "Grand Slam" yarışı start götürür. Həmin yarışda milli komandamız da iştirak edəcək. Hələlik Paris turnirinə hansı cüdoçularımızın qatılacağı məlum deyil. Peter Zayzenbaher bu həftə Bakıda olacaq. Yaxın günlərdə heyətə də tam aydınlıq gələcək. Bu yarışdan sonra cüdoçularımız Parisdə qalacaqlar və təlim-məşq toplanışı  keçəcəklər.  Oktyabrın 30-da isə Parisdən birbaşa Abu-Dabiyə gedəcəklər. Həmin şəhərdə də "Grand Slam" olacaq. Bu yarışlar Olimpiya Oyunlarına lisenziya xalları verir. Ona görə nə qədər belə yarışlarda iştirak etsək, bir o qədər yaxşıdır.

- Hər halda, Rövnəq Abdullayevin prezident təyin olunması o deməkdir ki, cüdoda bir canlanma yaranacaq. Siz necə, yaşıl meydandan sonra tatamidə - hansı daha rahatdı. Başqa cür qoysaq sualı, fərqləri nədir?

- 25 ilə yaxındır ki, bu sahələrdəyəm (gülür).  Yaşıl meydanını da görmüşəm, özü də necələrini. "Kamp-Nou" dan tutmuş, "Marakana"ya qədər. Eləcə də tatamisini də, döşəyini də, rinqini də, üzgüçülük sarayını da.  Heç bir fərqi yoxdur. 

- Futbolda olanda Elnur Əşrəfoğluna bəzən münasibət yaxşı olmadı. Ancaq susqunluğu üstün tuturdunuz. Mövqeyinizi yaxşılaşdırandan sonra rəqibə ippon tətbiq eləməyi sevirsizmi?

- Əgər işləyirsənsə, problemlər də olur, töhmətlər də, qarayaxmalar da - bunlardan qaça bilməzsən, ancaq harda olsam da, çalışmışam işimi peşəkar səviyyədə görüm. Əlbəttə, qələbə yaxşı hissdir. Fərq etməz, ippon olsun, ya vazari və s. fəndlər. Şido ilə də qələbə olsa, bəsimdir.

Mənbə: futbolpress.az




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31