“Bakı Atıcılıq Mərkəzi möhtəşəmliyi ilə seçilir”

Birinci Avropa Oyunlarının bürünc mükafatçısı, slovakiyalı atıcı Yuray Tujinski Azərbaycanın paytaxtında qitə yarışları üçün inşa edilən idman obyektlərinin yüksək səviyyədə olduğunu bildirib. Futbolxeber.az-ın “Azərtac”a istinadən verdiyi məlumata görə, idmançı medal qazandığı Atıcılıq Mərkəzini nəhəng adlandırıb. Heyranlığını gizlədə bilməyən idmançı deyib: “Buna bənzər mərkəzə heç yerdə rast gəlməmişəm. Məndə güclü təəssürat oyatdı”.

O deyib: “Təşkilatçılığına görə Olimpiya Oyunlarından əsla geri qalmayan beynəlxalq idman tədbirində iştirak etdiyimə görə sevincimin həddi-hüdudu yoxdur. Belə yarışda medal qazanmaq ikiqat zövq verir”.

İndi Y.Tujinski Sloveniyanın Maribore və Azərbaycanın Qəbələ şəhərlərində yeni yarışlara hazırlaşır.