Digər idman növləri
Çempionumuz: “İlham Əliyevin idman arenalarına gəlməsi bizi qələbəyə ruhlandırırdı”
“Birinci Avropa Oyunlarında Azərbaycan Prezidenti İlham Əliyevin arenalara gələrək idmançılarımızın çıxışlarına baxması, atletlərimizə fəal dəstəyi bizi qələbəyə ruhlandırırdı”. Futbolxeber.az-ın məlumatına görə, bu fikirləri birinci Avropa Oyunlarının çempionu, taekvondo üzrə Azərbaycan yığma komandasının üzvü Ayxan Tağızadə “Bakı-2015”ə dair təəssüratlarını “Azərtac”ın müxbiri ilə bölüşərkən deyib.
Ayxan Tağızadə qeyd edib ki, milli komandamız birinci Avropa Oyunlarına çox ciddi hazırlaşırdı. “Bakı-2015”ə yanvardan etibarən Azərbaycan Taekvondo Federasiyasının (ATF) təlim-məşq bazasında hazırlaşmağa başlamışdıq. Yığmamızın təlim-məşq toplanışı böyük ruh yüksəkliyi ilə keçdi. ATF-in rəhbərliyi bizə xüsusi diqqət və qayğı göstərirdi. Məşqləri hər gün davam etdirirdik.
Oyunlardan əvvəl mayda Rusiyada dünya çempionatında iştirak etdik. Orada mən yaxşı nəticə göstərməsəm də, yığma komandamızın üzvü Radik İsayev kişilər arasında 80 kiloqram çəki dərəcəsində dünya çempionu oldu. Onun çempion olması komandamızın bütün üzvlərində, o cümlədən məndə böyük ruh yüksəkliyi yaratmışdı. Həmin vaxt Avropa Oyunlarına bir ay qalırdı. Dünya çempionatında yol verdiyimiz səhvləri birinci Avropa Oyunlarında təkrarlamamağa çalışırdıq. Baş məşqçimiz Reza Mehmandoust və böyük məşqçimiz Elnur Amanov yorulmadan bizimlə çalışdılar. Nəticədə “Bakı-2015”ə yüksək səviyyədə hazırlaşdıq. Mən taktiki və texniki hazırlıqlarımı davam etdirirdim. Ən yaxşı nəticəni qazanmağa çalışırdıq. Yığmamızın məqsədi birinci Avropa Oyunlarının taekvondo yarışlarında ümumi komanda hesabında birinci pillədə olmaq idi və bunu bacardıq.
İdmançımız qızıl medal uğrunda mübarizədə keçdiyi görüşlər barədə danışaraq deyib: “Birinci Avropa Oyunlarında mübarizə apardığım 68 kiloqram çəki dərəcəsində qarşılaşmalarım çox çətin keçdi. Dünyada reytinqində ilk sıralarda olan idmançıların hamısı Bakıya gəlmişdilər. İlk Avropa Oyunlarında bu çəki dərəcəsində (68 kq) qitənin ən güclü 16 idmançısı yarışırdı. Dünya reytinqində bu çəki dərəcəsində əsasən avropalı idmançılar ən güclü atletlər hesab olunur. Birinci döyüşümü qitə birinciliyinin ikincisi olan sloveniyalı Pantar Jureyə qarşı keçirdim. Bu döyüşə çıxanda həyəcanlı idim. Çünki atam - şəxsi məşqçim və Azərbaycanın para-taekvondo üzrə millisinin baş məşqçisi Əvəz Tağıyev və qardaşım döyüşümü izləyirdilər. Onların gözləri qarşısında, xüsusən də doğma Vətənimdə məğlub olmaq istəmirdim. Döyüşə çıxanda azarkeşlərin dəstəyi mənə əlavə güc verdi. Buna görə də ilk döyüşdə rəqibimə çətinlik çəkmədən qalib gəldim”.
İkinci qarşılaşmasında - dörddəbir finalda London Olimpiadasının qalibi, ikiqat dünya və Avropa çempionu ispaniyalı Joel Qonzalez Bonilla ilə çətin döyüş keçirdiyini vurğulayan Ayxan Tağızadə rəqibinin Rusiyadakı dünya çempionatında ikinci yeri tutduğunu bildirib. Qeyd edib ki, ispaniyalı rəqibim titullu və təcrübəli idmançı olduğu üçün bəziləri mənim onu məğlub edəcəyimə şübhə ilə yanaşırdılar. Amma mən, məşqçilərim və atam buna inanırdıq. Həmin döyüşə yalnız qalib gəlmək üçün çıxmışdım. Şükürlər olsun ki, qələbə qazandım.
Ayxan Tağızadə yarımfinalda qarşılaşdığı, dünya reytinqində birinci olan rusiyalı idmançı Aleksey Denisenkoya dünya çempionatında uduzduğu üçün bu görüşün onun üçün revanş olduğunu bildirərək deyib: “Azərbaycan Prezidenti İlham Əliyevin və xanımı, birinci Avropa Oyunları Təşkilat Komitəsinin sədri Mehriban Əliyevanın həmin döyüşə baxmaları məsuliyyətimi daha da artırmışdı. Olimpiya çempionuna qalib gəldiyim üçün, dünya reytinqində birinci yerdə qərarlaşan rəqibimi də məğlub edəcəyimə inanırdım. Ona görə döyüşə ancaq qalib gəlmək üçün çıxmışdım. Qarşılaşma mənim üstünlüyümlə başa çatdı və finala vəsiqə qazandım”.
Gərgin keçən final qarşılaşması barədə danışan idmançımız deyib: “Həlledici görüşdəki polşalı rəqibim gənc idmançı Karol Robak idi. Final döyüşü gərgin keçdi. İlk iki raundda hesabda geriyə düşmüşdüm. Üçüncü raundda baş məşqçimiz mənə özümə inanmalı olduğumu xatırladaraq dedi ki, Vətənində döyüşürsən, ona görə də qızıl medal qazanmalısan. Beləliklə, özümə inanaraq üçüncü raundda döyüşə çıxdım və 10 saniyədə 6 xal topladım. Görüşün əsas vaxtı ərzində hesab 9:9 olduğu üçün qalib müəyyənləşmədi. Əlavə vaxtda baş məşqçi mənə müdafiəni düzgün qurmağı, özümə inanmağımı tapşırdı və bu halda qalib gələcəyimi dedi. Nəticədə görüşü psixoloji üstünlüklə davam etdirdim və əlavə olunan vaxtda qızıl xal qazanıb 10:9 hesabı ilə qalib gəldim. Beləliklə, birinci Avropa Oyunlarının çempionu oldum, Azərbaycanın dövlət himnini səsləndirdim, bayrağımızı ucaltdım. Bu yarışda məni qalib gəlməyə ruhlandıran güləşçilərimizin və karateçilərimizin parlaq qələbələri nəticəsində himnimizin səsləndirilməsi və bayrağımızın ucaldılması oldu. Mən də onlar kimi çempion olub bayrağımızı ucaltmaq istəyirdim”.
Gənc atlet deyib ki, birinci Avropa Oyunlarında qazanılmış yüksək nailiyyətlərə görə Azərbaycan Prezidentinin imzaladığı Sərəncama əsasən “Şöhrət” ordeni ilə təltif olunan idmançılar arasında mən də varam. Bu, mənim üçün çox gözlənilməz oldu. Gənc yaşımda bu ordenlə təltif olunduğum üçün çox xoşbəxtəm. Məni bu mükafata layiq gördüyü üçün dövlətimizin başçısına minnətdarlığımı bildirirəm. Bu, ölkəmizdə idmanın inkişafına və idmançılara göstərilən diqqət və qayğının yüksək səviyyədə olmasının daha bir təzahürüdür. Biz də çalışacağıq ki, bu yüksək etimadı doğruldaq və qarşıdakı yarışlarda bayrağımızı yüksəklərə qaldıraq.
Oyunlarda mübarizə aparan əcnəbi idmançılardan ilk Avropa Oyunlarının açılış və bağlanış mərasimlərinin çox möhtəşəm olması barədə çoxlu gözəl fikirlər eşitdiyini vurğulayan Ayxan Tağızadə deyib ki, onlar “Bakı-2015”in digər yarışlardan daha fərqli və mötəbər olduğunu dönə-dönə qeyd edirdilər. Əcnəbi idmançılar ilk Avropa Oyunlarının açılışı və bağlanış mərasimlərinin, Oyunlarda azarkeş dəstəyinin və yarışların səviyyəsinin dünya çempionatlarından da qat-qat üstün olduğunu xüsusilə vurğulayırdılar.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- AFFA prezidentliyinə və İcraiyyə Komitəsinə namizədlər açıqlandı
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Rövşən Nəcəf: “Etimadı doğrultmaq üçün əlimdən gələni edəcəm”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- AFFA prezidentliyi ilə bağlı son durum - hər şey böhran vəziyyətinə doğru?
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- Bəhlul Mustafazadə: “Millidə bütün futbolçular ikiqat çalışırlar”
- Azər Bağırov: “Futbolçular tapşırıqları icra etmirlər”
-
18:51
“Paris-2024” Yay Olimpiya Oyunlarının startına 100 gün qalıb
-
18:28
17 yaşadək güləşçilər arasında Azərbaycan çempionatı keçiriləcək
-
18:07
“Xəzri” finalda
-
17:43
"İmişli"nin şikayəti qismən təmin olundu
-
17:18
“Aznur”un kapitanı: “Hədəfimiz final yox, çempionluqdur”
-
16:55
Azərbaycan çempionatında ilk finalçı müəyyənləşib
-
16:39
Azərbaycan boks millisinin Avropa çempionatı üçün heyəti açıqlandı
-
16:06
I Liqada hakim təyinatları açıqlandı
-
15:42
Azərbaycanın güləş yığmaları Avropa çempionatına hazırlaşır
-
13:17
İlk dəfə kata üzrə Azərbaycan birinciliyi keçiriləcək
-
12:51
Millimizin rəqibi 2 yoldaşlıq oyunu keçirəcək
-
12:04
“Neftçi” ilə oyun bizim üçün həlledicidir"
-
11:48
Azərbaycan bilyardçısı Avropa çempionu olub
-
11:33
Azərbaycanın gənc avarçəkənləri Türkiyədə turnirə qatılacaqlar
-
11:19
Şəhriyar Məmmədyarov Kanadada rapid üzrə yarışın qalibi olub
-
11:05
Minifutbol millimizin heyəti narazılıqla qarşılandı, baş məşqçi danışmaq istəmədi
-
10:52
Azərbaycan stolüstü tennisçiləri “Türk Dövlətləri” beynəlxalq turnirində mükafat qazanıblar
-
10:26
“Borussiya" "Atletiko"nu mübarizədən kənarlaşdırdı VİDEO
-
10:11
Vitali Borisov: "Millidə görüləsi işlər çoxdur"
-
09:47
PSJ səfərdə "Barselona"nı diz çökdürdü VİDEO
-
09:30
Minifutbol üzrə Azərbaycan çempionatı: 1/2 finalın ilk oyunları keçirilib
-
18:20
AFFA-nın təşəbbüsü ilə UEFA proqramı çərçivəsində futzal turniri keçirilir
-
17:42
"Şəki Siti" "Göygöl"ə belə qalib gəldi VİDEO
-
17:31
“Neftçi” yarımfinalın ilk oyununda uduzdu
-
16:59
Azərbaycan millisi Avropa çempionatına tam heyətlə hazırlaşır
-
16:15
Dadaşov üçün mövsüm başa çatdı
-
15:27
90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
-
14:43
Azərbaycan gimnastları Çexiyada yarışacaqlar
-
14:36
Millimizin basketbolçusu: “Parisdə fəxri kürsüyə qalxmaq üçün mübarizə aparacağıq”
-
14:18
Bakıdakı Dünya Kubokunda Azərbaycanı təmsil edəcək gimnastlar bəlli olub
-
13:54
“Qarabağ” - “Neftçi” oyununun vaxtı açıqlandı
-
13:22
"Zirə" sabiq futbolçusunun vəfatı ilə bağlı başsağlığı verdi
-
13:05
Azərbaycanın 5 gimnastı Çexiyada beynəlxalq turnirdə iştirak edəcək
-
12:31
Paytaxtın abad məhəllələrində minifutbol yarışlarına start verilib
-
12:19
Şəhriyar Məmmədyarov Nicat Abbasova dəstək oldu
-
11:57
Musa "Yurqorden"in gənclər komandasında qol vurub
-
11:46
“Sumqayıt”ın yarımmüdafiəçisi: “Hələ heç nə bitməyib, mübarizə qabaqdadır”
-
11:30
Millimizin heyəti açıqlandı
-
11:23
"Valensiya" 3 xalı tək qolla qazandı VİDEO
-
11:08
Millimiz bu gün növbəti yoldaşlıq oyununu keçirəcək
-
10:52
“Atalanta” qələbəni əldən verdi VİDEO
-
10:35
Millimizin müdafiəçisi "Ludoqorets"ə qarşı oynadı
-
10:24
“Çelsi” “Everton”u darmadağın etdi VİDEO
-
10:11
“Zirə”nin sabiq müdafiəçisi vəfat edib
-
09:59
"Qalatasaray" ikinci hissədə coşdu VİDEO
-
09:47
İddiaçılar Turniri: Abasov Nakamuraya uduzub
-
09:30
"Fiorentina" öz meydanında büdrədi VİDEO
-
17:36
Azərbaycanlı basketbolçunun komandası Türkiyə Superliqasına vəsiqəni təmin edib
-
17:11
“Azərreyl” yarımfinalın ilk oyununda qələbə qazanıb
-
16:48
"Kəpəz"in futbolçusu üçün əlamətdar oyun