Putin “Bakı-2015”ə görə Rusiya telekanallarını tənqid etdi

Rusiya Prezidenti Vladimir Putin ölkəsinin televiziya kanallarını əsas idman hadisələri, eləcə də Bakıda keçiriləcək birinci Avropa Oyunlarına kifayət qədər yer ayırmadıqlarına görə tənqid edib. Futbolxeber.az-ın məlumatına görə, Putin bədən tərbiyəsi və idmanın inkişafı üzrə şuranın toplantısındakı çıxışında deyib: “Bu, necə ola bilər? Rusiya Olimpiya Komitəsinin prezidenti Aleksandr Jukov mənə yazılı şəkildə bildirib ki, ölkənin kütləvi informasiya vasitələri Azərbaycanda keçiriləcək birinci Avropa Oyunlarını işıqlandırmaq istəmir. Heç bir kanal? Bu, dünya miqyasında bir yarışdır. Mən anlayıram, büdcə ilə bağlı məhdudiyyətlər var. Amma vacib məsələlər var. Bu, dünya idman tarixinə düşəcək hadisədir. Tarixdə Olimpiya Oyunlarına bərabər olan ilk Avropa Oyunlarıdır” (“Azərtac”).