19 Iyun 2018, Çərşənbə axşamı
"Qarabağ"ın 5 potensial rəqibi bilindi
"Qəbələ" "Beşiktaş"ı məğlub etdi
"Dabonun qalacağını düşünürdüm"
“Qəbələ”də albaniyalı yarımmüdafiəçi

Digər idman növləri

“Bakı-2015”in məşəli Qobustanda

Müqəddəs Atəşgah məbədində alovlandırılan “Bakı-2015” birinci Avropa Oyunlarının məşəli mayın 30-da Qobustana gətirilib. Futbolxeber.az-ın “Azərtac”a istinadən verdiyi məlumata görə, qobustanlılar Avropa Oyunlarının məşəlini böyük sevinclə qarşılayıblar. Şəhərin Heydər Əliyev prospektində mədəniyyət evinin qarşısında qurulan və ətrafında minlərlə insanın toplaşdığı rəmzi qapıda birinci Avropa Oyunlarının məşəlini məşqçi-müəllim Fərid Əzizov qəbul edib.

Sonra 10 nəfər məşəlçi sürəkli alqışlarla yürüşə başlayıb. Onlar yol boyu növbə ilə məşəli bir-birinə ötürərək Heydər Əliyev prospekti boyunca 2,5 kilometr məsafə qət etməklə şəhərin bayraq meydanında qurulan səhnəyə gəliblər. Karatenin tiroksin-kaymay növü üzrə üçqat respublika çempionu İbad Rzazadə səhnəyə qalxaraq burada qurulan məşəli alovlandırdı. Əlaçı şagird, Heydər Əliyev inşa yazı müsabiqəsinin respublika turunun qalibi Gülər Cavadovanın qəbul etdiyi ilk Avropa Oyunlarının çırağı yarışlar başa çatanadək saxlanılmaq üçün Qobustan şəhərinə təhvil verilib.

Sonra aprelin 26-da Atəşgah məbədində ilk Avropa Oyunlarının məşəlinin alovlandırılması mərasiminin əks olunduğu videoçarx nümayiş etdirilib.

Rayonun həyatında unudulmaz tarixi bir gün olan məşəlin qarşılanması mərasimindən aldığı xoş təəssüratı AZƏRTAC-ın müxbiri ilə bölüşən şəhər 2 saylı tam orta məktəbin müəllimi Sevil Kərimova deyib: “Sevincimin həddi-hüdudu yoxdur. Axı, necə də sevinməyim?! Bu gün biz qobustanlılar da Atəşgah məbədində alovlandırılan məşəlin hərarətini hiss etdik. Bu, bizim, eləcə də bütün xalqımızın həyatında ən gözəl günlərdən biridir. İndi hər kəs möhtəşəm beynəlxalq tədbir olan ilk Avropa Oyunlarının başlanacağı günü səbirsizliklə gözləyir. Heç şübhə yoxdur ki, bu Oyunlar ölkəmizin nəyə qadir olduğunu dünyaya bir daha göstərəcək”.

Rayon gənclər və idman idarəsinin rəisi Rauf Rəcəbov isə sevincini ifadə edərək bildirib: “Bu gün bütün qobustanlıların, xüsusən gənclərimizin, idmançılarımızın bayramıdır. Birinci Avropa Oyunlarının ölkəmizdə keçirilməsi Azərbaycanın, idmançılarımızın uğuru, təntənəsidir. Ötən hər günün bizə yaxınlaşdırdığı bu möhtəşəm Oyunlarda ayrı-ayrı Avropa ölkəsindən 6000 nəfər idmançı idmanın 20 növü üzrə öz gücünü sınayacaq. İnanırıq ki, idmançılarımız bu möhtəşəm yarışlarda gözəl nəticələr göstərəcək. Son illərdə Prezident İlham Əliyevin rəhbərliyi ilə ölkəmizdə idmanın inkişafı, maddi-texniki bazasının möhkəmləndirilməsi istiqamətində aparılan ardıcıl və məqsədyönlü tədbirlər, idmançılarımızın beynəlxalq yarışlarda əldə etdikləri uğurlu nəticələr bu Oyunlarda da yüksək əyarlı medallar qazanacağımıza əminlik yaradır”.

Sonda musiqiçilərin ifasında konsert proqramı təqdim olunub.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2018
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30





Click to Visit