24 Oktyabr 2019, Cümə axşamı
Futzal millimizdən əzmkar qələbə
IX turun hakim təyinatları açıqlandı
Turun oyunçusu - Rəhman oldu
Nazarovdan Almaniyada yeni rekord

Digər idman növləri

“Bakı-2015”in məşəli Göyçayda

Mayın 21-də Göyçayda on minlərlə rayon sakini küçələrə çıxaraq birinci Avropa Oyunlarının məşəl estafetinin iştirakçılarını qarşılayıb. Futbolxeber.az-ın “Azərtac”a istinadən verdiyi məlumata görə, Mehdi Hüseynzadə küçəsində quraşdırılan “Bakı-2015” Avropa Oyunlarının rəmzi qapısında məşəli idmançı Ramil Əliyev qəbul edib. Sonra yürüşə start verildi. İdmançılar məşəli bir-birinə ötürərək Mehdi Hüseynzadə, Nizami küçələri və Heydər Əliyev prospekti ilə hərəkət etməklə, Heydər Əliyev Mərkəzinin qarşısına gəliblər.

Yunan-Roma güləşi üzrə Azərbaycan çempionu, beynəlxalq turnirlərin qalibi, idman ustası, Əməkdar Məşqçi Namət Şirinov səhnəyə qalxaraq məşəli alovlandırıb. Sonra taekvondo üzrə ikiqat Azərbaycan çempionu, beynəlxalq turnirlərin qalibi Fidan Babayeva birinci Avropa Oyunlarının çırağını yandırıb. Çıraq yarışlar başa çatana qədər saxlanılması üçün Heydər Əliyev Mərkəzinə təqdim edilib.

Göyçay Dövlət İdarəetmə və Texnologiya Kollecinin direktoru Xəlil Orucov da estafet iştirakçılarını qarşılayanlar arasında idi. O, AZƏRTAC-ın müxbirinə deyib: “İlk Avropa Oyunları ölkəmizin növbəti uğurudur. Bu gün dünyada bir çox ölkələrin iqtisadi böhrandan ziyan çəkdiyi vaxtda Azərbaycanda bu mötəbər yarışın keçirilməsi ölkəmizin beynəlxalq aləmdəki böyük nüfuzundan xəbər verir. Artıq idman ölkəsinə çevrilən Azərbaycan son illər bu sahədə böyük uğurlara imza atıb. Dövlətimizin başçısı İlham Əliyevin bu sahəyə olan diqqət və qayğısından bəhrələnən idmançılarımız ildən-ilə daha böyük nailiyyətlər qazanırlar. Bu nailiyyətlərdə xüsusi payı olan Göyçay idmançıları son bir ildə yerli və beynəlxalq yarışlarda 100-dən çox qızıl, gümüş və bürünc medal qazanıblar. Eyni zamanda, Avropa Oyunlarının Azərbaycanda keçirilməsi bizim yeniyetmə və gənclərdə idmana böyük maraq oyadıb”.

Rayonun fəal gənci Əziz Əzimov isə təəssüratlarını bölüşərək bildirib: “Bakı-2015” ilk Avropa Oyunlarının məşəlinin Göyçayda qarşılanması bizləri qürurlandırır. Oyunların məşəlinin ölkəmizin bir neçə şəhər və rayonundan keçərək Göyçaya gətirilməsi rayonumuzun tarixinə yazılacaq əlamətdar hadisədir. İnanıram ki, idmançılarımız bu mötəbər yarışlarda da uğur qazanaraq Azərbaycan bayrağını yüksəklərdə dalğalandıracaqlar”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31