29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Digər idman növləri

Sabirabadda Alov Festivalı

Birinci Avropa Oyunlarının məşəli Saatlı rayonundan sonra mayın 6-da günün ikinci yarısında Sabirabada gətirilib. Futbolxeber.az-ın “Azərtac”a istinadən verdiyi məlumata görə, şəhərin girişində məşəli minlərlə sakin böyük sevinclə qarşılayıb.

Pankration Federasiyasının prezidenti, peşəkar idmançı Azad Əsgərov birinci Avropa Oyunlarının rəmzi qapısında məşəli qəbul etdi.

3,9 kilometr məsafədə məşəli növbə ilə bir-birinə ötürən idmançılar Heydər Əliyev prospekti ilə hərəkət edərək birinci Avropa Oyunlarının alovunu Heydər Əliyev meydanına gətirdilər.

Pəhləvan Amid Babayev Heydər Əliyev meydanında qurulmuş səhnəyə qalxaraq birinci Avropa Oyunlarının məşəlini alovlandırdı.

Sonra məktəbli Nərgiz Əsgərova Avropa Oyunlarının rəmzi çırağını yandıraraq yarışlar başa çatana qədər saxlanılmaq üçün rayondakı Heydər Əliyev Mərkəzinə təhvil verdi.

Məşəli qarşılayanlar arasında rayonun Dəngən kənd tam orta məktəbinin müəllimi Əbülfət Məmmədov da vardı. O, Avropa Oyunlarının məşəlini şagirdləri ilə birgə qarşılamasından duyduğu sevinci AZƏRTAC-ın müxbiri ilə bölüşərək dedi: “Məşəl estafetini sabirabadlılar böyük sevinclə qarşılayırlar. Mənə elə gəlir ki, bu gün tarixi hadisə kimi məktəblilərin yaddaşında həmişə xatırlanacaq. Onların üzündəki sevinc həqiqətən də görülməyə dəyər. Ümumiyyətcə, həmyerlilərimə Avropa Oyunlarının məşəlini layiqincə qarşıladıqlarına görə minnətdaram. Azərbaycan dünyanın ən nüfuzlu idman yarışlarına yüksək səviyyədə ev sahibliyi edir, idmançılarımızın Olimpiya Oyunlarında, dünya və Avropa çempionatlarında qazandıqları medalların sayı ilbəil artır. Azərbaycan dünyada həm də idman ölkəsi kimi tanınır. O ki qaldı yarışlara, idmançılarımızın hər birinə uğurlar arzulayıram. Əminəm ki, azərbaycanlı idmançılar bu yarışlarda da öz sözlərini deyəcəklər”.

Ə.Məmmədov diqqətə çatdırdı ki, ilk dəfə ölkəmizdə keçiriləcək Avropa Oyunları Azərbaycanda idmanın inkişafına, respublikamızın beynəlxalq aləmdə tanınmasına, mədəniyyətimizin dünyada təbliğinə töhfə verəcək.

Rayon sakini Eldar Əmənov da sevincini paylaşaraq dedi ki, birinci Avropa Oyunlarının Azərbaycanda keçirilməsi əlamətdar hadisədir: “Bu münasibətlə azərbaycanlı idmansevərləri təbrik edir, idmançılarımıza qələbələr arzulayıram”.

Söhbətə qoşulan rayon Tarix-Diyarşünaslıq Muzeyinin direktoru, əməkdar mədəniyyət işçisi Şükufə Əsgərova ürək sözlərini belə ifadə etdi: “Azərbaycan artıq beynəlxalq tədbirlərin ünvanına çevrilib. İlk Avropa Oyunlarının ölkəmizdə keçirilməsi də bu mənada təsadüfi deyil. Bu, ilk növbədə, sürətli sosial-iqtisadi inkişaf, ölkəmizdə əmin-amanlıq, möhkəm ictimai-siyasi sabitliklə sıx bağlıdır. Artıq bu mötəbər idman tədbirinin məşəli ölkəni gəzir, o cümlədən məşəl bizim rayonumuza da səyahət etdi. Hələ də o anların təsiri altındayam. Bütün idmançılara uğurlar arzulayıram. Ancaq bizim idmançılardan daha böyük nəticələr gözləyirəm”.

Birinci Avropa Oyunlarının məşəlinin qarşılanma mərasimindən sonra Sabirabadda möhtəşəm Alov festivalı keçirildi.

Mərasimdə rayonun musiqi kollektivlərinin, respublikanın tanınmış incəsənət ustalarının çıxışları meydana toplaşanlar tərəfindən sürəkli alqışlarla qarşılandı.

Səhnədə nümayiş etdirilən Alov şousu festival iştirakçılarında xoş ovqat yaratdı.

Festivalda aprelin 26-da Bakıda, Atəşgah məbədində birinci Avropa Oyunları məşəlinin alovlandırılması mərasiminin əks olunduğu videoçarx nümayiş etdirildi.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31