23 Oktyabr 2019, Çərşənbə
IX turun hakim təyinatları açıqlandı
Turun oyunçusu - Rəhman oldu
Nazarovdan Almaniyada yeni rekord
Lixtenşteynlə oyun Sumqayıtda

Digər idman növləri

"ShamkirChess2015"in açılışı oldu

Mərhum şahmatçımız, Avropa çempionu Vüqar Həşimovun xatirəsinə həsr olunan “ShamkirChess 2015” superturnirinin açılış mərasimi keçirilib. Futbolxeber.az-ın məlumatına görə, mərasim Şəmkirdə Heydər Əliyev Mərkəzində təşkil olunub. Tədbirdə Şəmkir rayon İcra Hakimiyyətinin başçısı Alimpaşa Məmmədov, gənclər və idman nazirinin müavini İsmayıl İsmayılov, Beynəlxalq Şahmat Federasiyasının (FİDE) prezidenti Kirsan İlyumjinov, Azərbaycan Şahmat Federasiyasının (AŞF) vitse-prezidenti Faiq Həsənov, iştirakçı şahmatçılar, millət vəkilləri və digərləri iştirak edib.

Öncə mərhum şahmatçımız Vüqar Həşimovun xatirəsi bir dəqiqəlik sükutla yad edilib. Ötən il keçirilən “ShamkirChess 2014" turnirinə həsr olunan videoçarx nümayiş olunub.

Şəmkir rayon İcra Hakimiyyətinin başçısı A. Məmmədov tədbir iştirakçılarını salamlayıb, dünyanın ən güclü şahmatçılarını Şəmkirdə görməkdən məmnun olduğunu qeyd edib: "Ən güclü dünya şahmatçıları bu yarışda iştirak edir. "ShamkirChess 2015" turnirinin "Bakı-2015" I Avropa Oyunları öncəsi keçirilməsi Azərbaycanın dünyanın idman mərkəzlərindən biri olduğunu göstərir. Ölkəmizdə idmana xüsusi diqqət və qayğı göstərilir. Bütün yarış iştirakçılarına uğurlar arzulayıram".

Yarışın Təşkilat Komitəsinin sədri, "Synergy Group"un İdarə Heyətinin sədrinin 1-ci müavini Fəxriyar Cabbarov yarışın keçiriləcəyi 10 gün müddətdində Şəmkirin dünyanın şahmat mərkəzinə çevriləcəyini deyib. O, Azərbaycanda şahmatın inkişafından danışıb.

Gənclər və idman nazirinin müavini İsmayıl İsmayılov belə möhtəşəm turnirin keçirilməsinə görə təşkilatçılara minnətdarlığını bildirib. O, ölkəmizdə şahmatın inkişafının Ulu Öndər Heydər Əliyevin adı ilə bağlı olduğunu qeyd edib. Nazir müavini mərhum şahmatçımız Vüqar Həşimov barədə danışıb. İ. İsmayılov yarış iştirakçılarına müvəffəqiyyətlər arzulayıb.

Mərhum şahmatçımız Vüqar Həşimovun atası Qasım Həşimov turnirdə dünyanın ən güclü şahmatçılarının iştirakının V. Həşimovun beynəlxalq aləmdəki hörmətinin göstəricisi olduğunu bildirib. Sonuncu dəfə dünya çempionu olandan sonra iyun ayınadək heç bir yarışda iştirak etməyəcəyini desə də, dəvəti qəbul edib Şəmkirə gəldiyə görə Maqnus Karlsenə təşəkkür edən Q. Həşimov bütün dünyada şahmatla maraqlanan hərkəsin diqqətinin Şəmkirə yönəldiyini vurğulayıb.

Beynəlxalq Şahmat Federasiyasının prezidenti Kirsan İlyumjinov "ShamkirChess 2014" turnirindən sonra Şəmkirin bütün dünyada tanındığını deyib. FİDE prezidenti Azərbaycanda şahmata xüsusi diqqət göstərildiyini qeyd edib: "Prezident İlham Əliyev yeganə ölkə başçısıdır ki, Azərbaycanda Şahmatın İnkişafına dair Dövlət Proqramı qəbul edib. Burada şahmata yüksək qiymət verilir". K. İlümjinov yarış iştirakçılarına uğurlar arzulayıb.

Daha sonra AŞF-nin vitse-prezidenti F. Həsənov yarışın əhəmiyyətindən danışıb və püşkatma mərasiminə start verib. Püşkatmanın nəticələrinə görə, birinci turda Maqnus Karlsen Vişvanatan Anand, Şəhriyar Məmmədyarov Fabiano Karuana, Rauf Məmmədov Maksim Vaşye-Lagrav, Uesli So Aniş Giri, Vladimir Kramnik Maykl Adamsla qarşılaşacaq.

Xatirə şəkli çəkdirilib və tədbir bəddi hissə ilə davam etdirilib.

Qeyd edək ki, yarış aprelin 26-dək davam edəcək.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31