"Turan" yaradıcılarından birini itirdi

Müstəqillik dönəminin ilk mövsümündə ölkə çempionatında çıxış edəcək Tovuz təmsilçisi komandanı toplasa da, kollektivə hələ ad qoyulmamışdı. Sovetlər dönəmində Tovuz "Məhsul" adı ilə təmsil olunsa da, bu adın götürüləcəyi dəqiq idi. Komandanı himayəyə götürən Vidadi Əhmədov iddialı komanda yaratmağı qarşısına məqsəd qoymuşdu. Rayonda ona dəstək verənlər də az deyildi. Tovuz futbolunu zirvələrə yüksəldən Vidadi Əhmədovun yaxın silahdaşlarından biri də Nizaməddin Qəmbərov idi. Kluba məhz "Turan" adının verilməsi də onun ideyası idi. "Turan" adını Tovuz təmsilçisinə verən şəxs. Artıq Nizaməddin Qəmbərov aramızda yoxdur. Dünyasını dəyişən Qəmbərovu yad etmək məqsədi ilə "Turan Tovuz" - "Ağsu" oyunu 1 dəqiqəlik sükütla başlandı. Stadionda onun şəkli olan xüsusi stend də quraşdırılıb.

"Turan Tovuz" İK məhruma Allahdan rəhmət, yaxınlarına başsağlığı verir.

Allah rəhmət eləsin!