19 Aprel 2021, Bazar ertəsi
Güləşçimiz erməniyə qalib gəldi
“Neftçi”dən böyük hesablı qələbə
Ozobiç üçün mövsüm başa çatdı
“Sumqayıt” layiqli qələbə qazandı”

Maqazin

Futbolxeber.az-ın xəbəri təsdiqləndi: Azərbaycanda yeni mərc oyunları operatoru fəaliyyətə başlayır

Azərbaycanda yeni mərc oyunları operatoru fəaliyyətə başlayır.

Bu barədə "Report"a "Azərlotereya" ASC-nin İdarə Heyətinin sədri Maqsud Tağıyev məlumat verib.

Onun sözlərinə görə, yeni şirkətin ölkə bazarına daxil olması TOPAZ-ın fəaliyyətinə mənfi təsir etməyəcək: "Sadəcə, təbii inhisarçılıqdan rəqabət sisteminə keçəcəyik. Hər iki şirkət sağlam rəqabət əsasında fəaliyyət göstərəcək".

M.Tağıyev hesab edir ki, yeni bukmeyker şirkətinin adı "Azərlotereya" olacaq: "Sadəcə, idarəetmə Türkiyə şirkətinə veriləcək. Düşünürəm ki, mərc oyunları operatoru öz adı ilə fəaliyyət göstərəcək. Bu, mənim subyektiv fikrimdir. Çünki artıq bu şirkətin özü brendə çevrilib. İstənilən halda, hər şey Türkiyə şirkətinin səlahiyyətindədir. Bilmirəm, bəlkə də adı dəyişər".

İdarə Heyətinin sədri mərc oyunlarına nəzarəti yenə "Azəridmanservis" MMC-nin həyata keçirəcəyini diqqətə çatdırıb: "Mərc oyunları ilə məşğul olan ilk şirkətin əvvəlki adı "Azərinteltek" olub. Bu şirkət isə proqram təminatı baxımından Yunanıstanda fəaliyyət göstərən "İntralot"dan qidalanıb. İdarəetməni həyata keçirən yeni şirkətin adı isə "Caspian Tech"dir. O isə artıq Azərbaycan şirkətidir. "Azəridmanservis" Gənclər və İdman Nazirliyi tərəfindən ümumi nəzarəti həyata keçirmək üçün təsis olunmuşdu".

Qeyd edək ki, yanvarın 16-da Prezident İlham Əliyev “Azərlotereya” Açıq Səhmdar Cəmiyyətinin idarəetməyə verilməsi ilə əlaqədar bəzi məsələlərin tənzimlənməsi haqqında” sərəncam imzalayıb. Sərəncama əsasən, “Azərlotereya” ASC Türkiyənin “Demirören Şans Oyunları Yatırımları A.Ş.” şirkətinin törəmə cəmiyyəti olan “YMT Sans B.V.” şirkətinə müqavilə əsasında idarəetməyə verilib və İqtisadiyyat Nazirliyinə müqavilə təsdiq edildikdən sonra təhvil-təslim işlərinin 5 ay müddətində həyata keçirilməsini təmin etmək həvalə olunub.

Qeyd edək ki, Azərbaycanda yeni mərc operatoru yaradılacağı ilə bağlı ilk dəfə məhz Futbolxeber.az saytı məlumat yazmışdı. Yanvarın 25-də eksklüziv olaraq yazdığımız xəbər rəsmən təsdiqini tapdı (https://www.futbolxeber.az/news/magazin/57782)




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2021
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30