Ronaldinyo azadlığa buraxılmadı

Paraqvay məhkəməsi Braziliya millisinin sabiq futbolçusu Ronaldinyo barədə həbs qətimkan tədbirini şərti cəza ilə əvəzləməkdən imtina edib.

Futbolxeber.az saytının xarici KİV-lərə istinadən verdiyi məlumata görə, vəkilin veteran hücumçunun ev dustaqlığına buraxılması ilə bağlı vəsatəti təmin edilməyib. Bunun üçün 1,4 milyon avro məbləğində girov təklif olunsa da, məhkəmə bunu rədd edib.

Xatırladaq ki, Ronaldinyo və qardaşı Roberto de Assis Moreyra Asunsyon hava limanında saxta pasport təqdim etdikdən sonra baş prokurorluğun sorğusu əsasında yenidən saxlanılıblar. Məhkəmə onun həbsinin 6 ay uzadılmasını qərara alıb.