19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Minifutbol

Azarkeşlərimiz Budapeştdə Yurçeviçi alqışladılar: “Azərbaycanlı futbolçular Avropada oynamalıdılar”

AVRO-2020-nin seçmə mərhələsində Macarıstan yığması ilə görüşdən (0:1) sonra  Azərbaycan millisinin baş məşqçisi Nikola Yurçeviç səfər matçında komandanı dəstəkləyən azarkeşlərlə görüşdü.

Futbolxeber.az saytının “Futbolpress”ə istinadən verdiyi məlumata görə, xorvatiyalı mütəxəssis qarşılaşmanın niderlandlı hakimi Yohan Hilqerin son dəqiqələrdə millinin təmiz qolunu qeydə almadığına görə üzr istədiyini söylədi:

“Hakimlə danışdıq. O, səhv qərara görə üzr istədiyini bildirdi. Artıq edə biləcəyimiz bir şey yoxdu”.

Səmimi söhbət zamanı azarkeşlərdən birinin hücum futbolu istəməsi ilə bağlı fikrini baş məşqçi belə cavablandırdı:

“Bəli, biz də hücum etmək istəyirik. Ancaq bəzən bu, çətin olur. Çünki yalnız bizdən yox, eyni zamanda rəqibən asılıdı. Azərbaycan Premyer Liqası ilə beynəlxalq arena arasında fərq böyükdü”.

Daha sonra 53 yaşlı mütəxəssis azarkeşlərə dəstəyə görə təşəkkürünü bildirdi. Yurçeviç zənn edirmiş ki, fanatlar Bakıdan uzun məsafə qət edərək, Budapeştə gediblər. Ancaq söhbət zamanı ona məlum oldu ki, həmin azarkeşlər Avropanın müxtəlif ölkələrində yaşayan azərbaycanlılardı və yığmanın hər səfər matçında komandaya dəstək olurlar.

Fanatlardan birinin oyun keyfiyyətinin artırılması ilə bağlı sualına da Yurçeviçin cavabı maraqlı oldu:

“Biz buna çalışırıq. Ancaq azərbaycanlı futbolçular digər Avropa liqalarında oynamalıdılar”.

Bundan sonra Yurçeviç azarkeşlərlə sağollaşdı. Avropada yaşayan həmvətənlərimizdən ibarət qrup onu alqışlarla yola saldı. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31