21 Sentyabr 2019, Şənbə
VI turun oyun cədvəli açıqlandı
Hacı Əliyev uduzub, medalsız qaldı
"Qarabağ"dan böyükhesablı məğlubiyyət
Daha bir güləşçimizdən medal

Maqazin

Azarkeşlər UEFA AVRO 2020 fristaylerlərini seçirlər

İctimaiyyət turnirin 12 ev sahibi şəhərinin hər birini təmsil etmələri üçün sevimli fristaylerlərinə səs verir

Azarkeşlər məşqçi olaraq UEFA AVRO 2020-də ölkələrini təmsil edəcək insanları seçmək şansı qazanıb.

Avropada ən orijinal və yaradıcı, sərbəst, küçə və panna futbolu üzrə peşəkarları axtarıb tapmaq üçün təşkil olunan “Növbə sənindir” istedad yarışması 12 ev sahibi şəhərin hər birindən 2 şanslı qalibə UEFA Avropa Çempionatının 60-cı ildönümündə UEFA AVRO 2020 fristaylerləri kimi iştirak etmək imkanını bəxş edəcək.

UEFA AVRO 2020-nin rəsmi fristaylerləri və çox sayda dünya rekordçuları olan Liv Kuk və Tobias Beks hər bir ölkədə yüzlərlə videoqeydlər arasından qısa siyahı hazırlamış və sevimli bacarıq sahiblərini seçməyi artıq azarkeşlərin öhdəsinə buraxmışlar.

Qaliblər Avropa çempionatı çərçivəsində tədbirlərdə, eləcə də fan-zonalarda və kubok turları zamanı matçlarda iştirak etməklə öz ev sahibi şəhərlərini təmsil edəcəklər.

Qısa siyahıda göstərilən bacarıqlar, hərəkətlər və fəndlər içərisindən azarkeşlər həyatda cəmi bir dəfə rast gəlinən unikal fürsət üçün seçimdə iştirak edəcəklər. Səs verən hər kəs avtomatik olaraq final oyunu və ya ev sahibi şəhərdə təşkil olunan hər hansı matç üçün biletlər, imzalı futbol forması və ya futbol topu qazanmaq imkanı verən mükafat lotereyasında iştirak imkanı əldə edəcək.

Tobias deyir: “”Sənin növbəndir” müsabiqəsi üçün qısa siyahının hazırlanması qərarı indiyə qədər gördüyüm işlərdən xoş, lakin ən çətinlərdən biri oldu. Avropanın hər tərəfindən gələn istedad, yaradıcılıq və həvəs həqiqətən ilhamvericidir”.

Liv Kuk insanları iştiraka dəvət edir: “Bu fristaylerlər gələn il keçiriləcək turnirdə hər bir ev sahibi şəhəri təmsil edir və mən hər kəsi səs verməyə çağırıram. Fristayl futbolu adi futboldan daha çox özünü ifadə etmək imkanını yaradır və ictimaiyyət bu gözəl videolara baxıb öz sevimlilərini seçməklə çox şey öyrənəcək”.

Dublindən Bakıya qədər siyahıda olan fristaylerlər uğur qazanıb-qazanmadıqlarını öyrənmək üçün 6 həftə gözləməli olacaqlar. Buraya həmçinin Niderlanddan olan 18 yaşlı Laura Dekker də daxildir ki, o, fristayler fəaliyyətinə ilk dəfə 4 il əvvəl “Instagram”da fəndlər nümayiş etdirən bir şəxsi gördükdən sonra başlamışdır.  

“İndiyə qədər ən böyük fristayl nailiyyətim Avropa çempionu olmaq idi. İndi isə hədəfim dünya çempionu olmaqdır! Fristayl futbolu həqiqətən mənim həyatımdır. Mənim sevimli işim çıxış etmək və insanlara yeni fəndlərimi göstərməkdir. Məhz buna görə AVRO 2020 çempionatının iştirakçısı olmaq mənim üçün çox heyrətamiz olardı”, - deyə Laura bildirib.

Madriddən olan 27 yaşlı fristayler Havyer Sans Aqilar təxminən 12 ildir ki, fristayl futbol ilə məşğuldur: “Fristayl futbolunu sevməyimin əsas səbəblərindən biri insanlardır. Hər kəs həmişə o qədər mehriban olur ki, sanki bir-birinizi illərdir tanıyırsınız. Mən böyük futbol azarkeşiyəm. Buna görə də AVRO 2020 çempionatını fərqli baxımdan yaşamağı və bu Avropa çempionatında İspaniyanı təmsil etməyi çox istəyərdim”.

23 yaşlı Co Eşvort AVRO 2020-də Qlazqonu təmsil edəcəyinə ümid edir və şəhərin turnir üçün ən görkəmli məkan olduğunu düşünür. O, əlavə edir: “Qlazqo gördüyüm yerlərdən heç birində rast gəlmədiyim futbol ehtirası ilə dolu olan bir şəhərdir. Buradakı insanlar “Hampden Park”ı möhtəşəm ab-hava ilə təmin edəcəklər və mən də bunun iştirakçısı olmaq istəyirəm!”.

Sevimli fristaylerinizə səs verməyin qaydaları da daxil olmaqla, daha ətraflı məlumat əldə etmək üçün, lütfən, 30 sentyabr 2019-cu il, saat 14:00-dək (MAV) https://www.uefa.com/uefaeuro-2020/your-move səhifəsinə nəzər salın.

Fristayl haqqında

Fristayl futbolu - küçə futbolu, panna və oyunun bacarıqlara əsaslanan digər formaları ilə əlaqəli futbol növüdür. O, rəqs və hətta bədii gimnastika ilə ümumi xüsusiyyətlərə malikdir. Həmçinin, musiqi ilə də sıx bağlıdır. Fristayl futbolu oyun deyil – o, yaradıcılıq və bədii çıxışın bir ifadəsidir.

UEFA AVRO 2020 fristaylerləri haqqında

İngiltərənin Leyland şəhərindən olan 20 yaşlı Liv Kuk dördqat dünya fristayl rekordçusudur və fristayl üzrə dünya reytinqi səviyyəsinə sürətli yüksəlişi onun tarixdə ən gənc dünya çempionu, həmçinin UEFA-nın Qadın Futbolu üzrə Səfiri olması ilə nəticələnmişdir. 

2017-ci ildə o, Praqada dünya çempionu tituluna gedən yolda təşkil olunmuş tədbirdə hər bir mübarizədə maksimum bal toplayaraq dünyanın bir nömrəli futbol fristayleri oldu. Bir il sonra Kuk Barselonada 4 dünya rekordunu qırdı.

Norveçin paytaxtı Oslo şəhərindən olan 27 yaşlı Tobias Beks dəfələrlə Avropa çempionu olmuş və özünün fristayl brendini yaratmışdır. 2006-cı ildə fristayler fəaliyyətinə başlayan Tobias hal-hazırda fristayl sənətini mümkün olduğu qədər daha geniş və müxtəlif auditoriyaya çatdırmaq məqsədilə dünyanı gəzir. 

O, öz bacarıqlarını çox fərqli yerlərdə - dağın başından tutmuş krandan asılı vəziyyətə qədər - göstərmişdir və fristayl qabiliyyətini daha da inkişaf etdirmək iqtidarındadır.  

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30