“Ararat”ın oyunu SOCAR-a görə televiziyada yayımlanmadı

Ermənistan telekanalları Avropa Liqasının 3-cü təsnifat mərhələsinin ilk oyunları çərçivəsində keçirilən “Ararat” (Ermənistan) - “Saburtalo” (Gürcüstan) matçını canlı yayımlamaqdan imtina edib.

Futbolxeber.az saytının məlumatına görə, buna səbəb “Saburtalo”ya Azərbaycanın dövlət şirkəti SOCAR-ın sponsorluq etməsi olub. Ermənilər SOCAR-ın loqotipini göstərməmək üçün oyunu yayımlamayıb.

Qeyd edək ki, İrəvanda keçirilən görüşdə “Saburtalo” 2:1 hesablı qələbə qazanıb.