28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Minifutbol

"Qəbələ" yeni sponsorla əməkdaşlığa başlayır

“Qəbələ” İdman Klubu ilə “Pepsi Cola Azerbaijan” arasında imzalanan müqaviləyə əsasən, “Qəbələ” İdman Klubunun  bütün futbol komandaları 2013-2014 mövsümündə üzərində “Pepsi” reklamı əks olunan formalar geyinəcək. Futbolxeber.az-ın məlumatına görə, “Pepsi” reklamları “Qəbələ”nin ev oyunlarının keçirildiyi meydançanın ətrafındakı reklam lövhələrində və oyun sonrası mətbuat konfranslarında arxa fon lövhəsində də yerləşdiriləcək.

Bundan əlavə, hər iki qurum keçirəcəkləri sosial məsuliyyət və ya marketinq kampaniyalarında bir-birilərini dəstəkləyəcək və birgə fəaliyyət göstərəcəklər.

“Pepsi Cola Azerbaijan” şirkətinin satış və marketinq müdiri Azər Cəfərov əməkdaşlıqla bağlı bu fikirləri səsləndirdi:“İdman və xüsusilə, futbol “Pepsi” üçün yad sahə deyil. Hamıya məlumdur ki, “Pepsi” bugünə qədər bir çox mötəbər beynəlxalq yarışın sponsorlarından olmuşdur. Azərbaycanda bu fəaliyyətə “Qəbələ” İdman Klubu ilə başlamağımız da təsadufi deyil. Xüsusən, “Qəbələ” klubunun uşaq futboluna göstərdiyi qayğının şirkətimizin sosial məsuliyyət fəaliyyəti ilə səsləşməsi diqqətimizi cəlb etdi. Müqavilə hələlik bir illik imzalandı. Amma əməkdaşlığın daha uzun müddəti əhatə edəcəyini düşünürəm”.

“Qəbələ” İdman Klubunun Media və Marketinq meneceri Səməd Nəsibov isə əməkdaşlıqla bağlı fikirlərini bildirərkən:“Pepsi Cola” kimi qlobal bir brendlə əməkdaşlıq etmək klubumuz üçün çox mühüm hadisədir. Çünki bizim əsas məqsədimiz futbol sahəsində ölkəmizin bir nömrəli markası olmaqdır. Bu hədəfə səbrlə və doğru addımlarla çatmaq vacibdir. Şübhə yoxdur ki, bu əməkdaşlıq bu yolda bizə böyük bir təkan verəcək”, - dedi.

Xatırladaq ki, “Qəbələ” futbolçuları ötən 3 mövsüm ərzində də meydançaya  bir digər qlobal brend  - “Hyundai” reklamlı formalarla çıxmışdı.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31